वृत्तसंस्था, टोरंटो

भारताचा युवा ग्रँडमास्टर डी. गुकेशने ‘कॅन्डिडेट्स’ बुद्धिबळ स्पर्धेतील आपले अपराजित्व कायम राखताना चौथ्या फेरीच्या लढतीत अग्रमानांकित अमेरिकेच्या फॅबियानो कारुआनाला बरोबरीत रोखले. नाशिककर विदित गुजराथीला मात्र सलग दुसऱ्या पराभवाला सामोरे जावे लागले, तर महिलांमध्ये कोनेरु हम्पीही पराभूत झाली.

nikhat zareen minakshi wins gold at elorda cup
एलोर्डा चषक बॉक्सिंग स्पर्धा : निकहत, मीनाक्षीचे सुवर्णयश; भारताला १२ पदके
Riyan Parag complete 500 runs in IPL 2024
RR vs PBKS : २२ वर्षीय रियान परागचा मोठा पराक्रम! मिचेल मार्श आणि सूर्यकुमार यादवच्या खास क्लबमध्ये झाला सामील
A record performance by unbeaten German team Bayer Leverkusen sport news
अपराजित लेव्हरकूसेनची विक्रमी कामगिरी
rohit needs rest due to exhaustion from playing cricket continuously opinion of michael clarke
रोहितला विश्रांतीची गरज! सातत्याने क्रिकेट खेळून दमल्याने फलंदाजीवर परिणाम; मायकल क्लार्कचे मत
Uber Cup Badminton Tournament Indian women team in quarterfinals sport news
उबर चषक बॅडमिंटन स्पर्धा: भारतीय महिला संघ उपांत्यपूर्व फेरीत
Candidates winner D Gukesh reaction that Viswanathan Anand sir guidance is valuable
विशी सरांचे मार्गदर्शन मोलाचे! ‘कँडिडेट्स’ विजेत्या गुकेशची प्रतिक्रिया; मायदेशात जंगी स्वागत
Marcus Stoinis Highest individual scores in IPL run chases with 124 Runs
IPL 2024: मार्कस स्टॉइनसची ऐतिहासिक खेळी, आयपीएलच्या इतिहासात ही कामगिरी करणारा पहिला फलंदाज
gukesh d creates history becomes youngest Player to win fide candidates title zws
गुकेशला ऐतिहासिक जेतेपद; नामांकितांना मागे सोडत ‘कँडिडेट्स’मध्ये अजिंक्य; जगज्जेतेपदाच्या लढतीसाठी पात्र

खुल्या विभागातील चौथ्या फेरीत, विदितला गेल्या दोन जागतिक अजिंक्यपद लढतींतील उपविजेत्या इयान नेपोम्नियाशीकडून पराभव पत्करावा लागला. विदितने ‘कॅन्डिडेट्स’ स्पर्धेची सकारात्मक सुरुवात केली होती. पहिल्या फेरीत गुकेशला बरोबरीत रोखल्यानंतर दुसऱ्या फेरीत विदितने जेतेपदासाठी प्रबळ दावेदार मानल्या जाणाऱ्या अमेरिकेच्या हिकारू नाकामुराला पराभवाचा धक्का दिला होता. मात्र, त्यानंतर त्याला कामगिरीत सातत्य राखता आलेले नाही. पुढील दोन फेऱ्यांमध्ये त्याला आर. प्रज्ञानंद आणि नेपोम्नियाशी यांच्याकडून हार पत्करावी लागली आहे.

गुकेशने मात्र आपली चांगली कामगिरी सुरू ठेवताना चारपैकी तिसऱ्या सामन्यात बरोबरीची नोंद केली. तसेच त्याने दुसऱ्या फेरीत प्रज्ञानंदवर विजयही मिळवला होता. कारुआनाविरुद्ध काळय़ा मोहऱ्यांनिशी गुकेशने उल्लेखनीय खेळ केला. कारुआनाने इटालियन पद्धतीने सुरुवात केली आणि सामन्याच्या मध्यात गुकेशवर दडपण आणले. मात्र, गुकेशने संयम बाळगला. त्याने आपल्या एका प्याद्याचे बलिदान दिले आणि यानंतर त्याला कारुआनाची काही प्यादी टिपता आली. अखेरीस दोन्ही वजीर आणि काही प्यादी पटावर शिल्लक असल्याने कारुआनाला विजयाची संधी होती. परंतु गुकेशने भक्कम बचाव केला. त्यामुळे ७२ चालींअंती कारुआनाने बरोबरी मान्य केली.    

हेही वाचा >>>IPL 2024 CSK vs KKR: चेन्नईने रोखला केकेआरचा विजयरथ, ऋतुराज-जडेजाची शानदार कामगिरी

चौथ्या फेरीतील अन्य लढतींत, प्रज्ञानंदने नाकामुराविरुद्ध, तर अझरबैजानच्या निजात अबासोवने फ्रान्सच्या प्रतिभावान अलिरेझा फिरुझाविरुद्ध बरोबरीची नोंद केली. या निकालांनंतर खुल्या विभागात नेपोम्नियाशी तीन गुणांसह अग्रस्थानी पोहोचला आहे. गुकेश आणि कारुआना प्रत्येकी २.५ गुणांसह संयुक्तरीत्या दुसऱ्या स्थानावर आहेत. प्रज्ञानंद दोन गुणांसह चौथ्या स्थानी आहे. त्याखालोखाल असणाऱ्या विदित, अबासोव, फिरुझा आणि नाकामुरा यांचे प्रत्येकी १.५ गुण आहेत.

महिला विभागात, भारताची ग्रँडमास्टर हम्पीला यंदाच्या स्पर्धेतील सर्वात युवा महिला बुद्धिबळपटू नुरग्युल सलिमोवाकडून पराभव पत्करावा लागला. त्यामुळे हम्पीची पहिल्या विजयाची प्रतीक्षा कायम राहिली. हम्पीला पहिल्या तीन फेऱ्यांमध्ये बरोबरीवर समाधान मानावे लागले होते. काळय़ा मोहऱ्यांनिशी खेळणाऱ्या हम्पीला सलिमोवाच्या कॅटलान पद्धतीचा सुरुवातीला सामना करावा लागला. हम्पीने डच बचावपद्धतीच्या जवळ जाणाऱ्या चाली रचून सलिमोवाला प्रत्युत्तर देण्याचा प्रयत्न केला. मात्र, सलिमोवाने हम्पीला कायम दडपणाखाली ठेवले. दोन वजिरांच्या अदलाबदलीनंतर सलिमोवाने आणखी प्यादी टिपत वर्चस्व मिळवले. अखेर हम्पीने ६२व्या चालीनंतर हार मान्य केली.

चौथ्या फेरीचे निकाल

’ खुला विभाग :

इयान नेपोम्नियाशी (एकूण ३ गुण) विजयी वि. विदित गुजराथी (१.५). हिकारू नाकामुरा (१.५) बरोबरी वि. आर. प्रज्ञानंद (२), फॅबियानो कारुआना (२.५) बरोबरी वि. डी. गुकेश (२.५ गुण), निजात अबासोव (१.५) बरोबरी वि. अलिरेझा फिरुझा (१.५).

’ महिला विभाग :

अलेक्झांड्रा गोर्याचकिना

(२.५ गुण) बरोबरी वि. आर. वैशाली (२), नुरग्युल सलिमोवा (२) विजयी वि. कोनेरू हम्पी (१.५). कॅटेरिना लायनो (२) बरोबरी वि. टॅन झोंगी (३),

अ‍ॅना मुझिचुक (१.५) बरोबरी वि. ले टिंगजी (१.५).