भारताचा अनुभवी सलामीवीर मुरली विजय याने चेन्नई सुपर किंग्ज हा इंडियन प्रीमियर लीगमधील (आयपीएल) विशेष असा संघ आहे, असे कौतुकोद्गार काढले आहेत. ‘‘चेन्नई हा विशेष संघ आहे. ‘आयपीएल’च्या पहिल्या हंगामापासून सर्वोत्तम खेळाडूंचा भरणा या संघात पाहायला मिळतो. देशातील खेळाडूंप्रमाणेच गुणवान परदेशी खेळाडूदेखील संघाला सुरुवातीपासून लाभले. महान खेळाडूंचा समावेश असलेला असा हा चेन्नई संघ आहे. या संघाच्या ड्रेसिंगरूममध्ये वावरणे हेदेखील अभिमानास्पद वाटते. या संघातील सर्वोत्तम खेळाडूंसोबत चर्चा करणे, त्यांच्यासोबत खेळणे यातून भरपूर काही शिकायला मिळते,’’ असे विजयने सांगितले.
