भारत विरुद्ध अफगाणिस्तान सामन्यात, नवोदीत मुजीब उर रेहमानने अनोखी कामगिरी आपल्या नावावर जमा केली आहे. सलामीवीर रोहित शर्माला मुजीबने पाचव्या षटकामध्ये त्रिफळाचीत केलं. २०१९ विश्वचषकात भारतीय फलंदाजाला बाद करणारा मुजीब पहिला फिरकीपटू ठरला आहे. याआधी एकाही फिरकीपटूला ही कामगिरी जमली नाहीये. WICKET! Mujeeb strikes and Rohit is gone for FOLLOW #INDvAFG LIVE ON #CWC19 APP APPLE pic.twitter.com/frrbgvyBLl— Cricket World Cup (@cricketworldcup) June 22, 2019 नाणेफेक जिंकून पहिल्यांदा फलंदाजी करण्याचा निर्णय घेतलेला भारतीय संघ अफगाणिस्तानविरुद्ध धावांचा डोंगर उभा करेल अशी शक्यता वर्तवण्यात आली होती. मात्र मुजीबने रोहितचा त्रिफळा उडवत भारताला धक्का दिला. यानंतर लोकेश राहुलही मोहम्मद नबीच्या गोलंदाजीवर रिव्हर्स स्विपचा फटका खेळण्याच्या प्रयत्नात माघारी परतला.
