क्रिकेटच्या मैदानाबाहेर अनेकदा वादात राहणारा खेळाडू म्हणजे इंग्लंडच्या संघातील अ‍ॅलेक्स हेल्स. ऐन विश्वचषकाआधीच उत्तेजक सेवन केल्यामुळे स्पर्धेला मुकलेला हेल्स पुन्हा अडचणीत आला आहे. मागील अनेक वर्षांपासून रिलेशनशिपमध्ये असणारी हेल्सची प्रेयसी डॅनी गिसबोर्न त्याला सोडून गेली आहे. हेल्स डॅनीला डबल डेट करत असल्याचे लक्षात आल्यानंतर तीने त्याला दुसऱ्या तरुणीसोबत सेक्स करताना रंगेहाथ पकडले. त्यानंतर तिने हेल्सबरोबरचे तीन वर्षांपासून सुरु असणारे नाते संपुष्टात आणण्याचा निर्णय घेतला.

या बातमीसह सर्व प्रीमियम कंटेंट वाचण्यासाठी साइन-इन करा
ई-मेल द्या, नी साइन-अप करा
Already have a account? Sign in

ऑक्टोबर महिन्यामध्ये हेल्स हा कॅरेबियन बेटांवर सुट्ट्यांसाठी गेला होता. त्यावेळी डॅनीही त्याच्याबरोबर गेली होती. हेल्स हा कायमच इतर स्त्रीयांवर डोळा ठेऊ असल्याचे डॅनीला ठाऊक होते. मागील वर्षी तिने त्याला शेवटची संधी म्हणून माफही केले होते. त्यानंतरही हेल्सच्या वर्तवणुकीमध्ये सुधारणा झाली नाही. तरीही २६ वर्षीय डॅनी त्याच्याकडे कानाडोळा करत राहिली.

कॅरेबियन बेटांवर सुट्टीमध्ये हेल्सच्या जवळच्या व्यक्तीने तिला तो एका महिलेबरोबर तुला डबल डेटिंग करत असल्याची माहिती दिली. त्यानंतर डॅनीने हेल्सला एका तरुणीबरोबर सेक्स करताना रंगेहाथ पकडले. अनेकदा संधी देऊनही हेल्सने आपला विश्वासघात केल्याचे समजल्यानंतर ती ढसाढसा रडली आणि तातडीने कॅरेबियन बेटांवरुन मायदेशी निघून गेली.

डॅनीने अनेकदा हेल्सला माफ केले. मात्र कॅरेबियन बेटांवर घडलेल्या प्रकारानंतर तिला पुन्हा पुन्हा हेल्सने चुका करणे आपण त्याला माफ करणे चुकीचे असल्यासारखे वाटले. त्यामुळेच तीने हा निर्णय घेतल्याची माहिती एका निकटवर्तीयाने दिली आहे.

या संपूर्ण प्रकरणामुळे डॅनीच्या घरच्यांनाही धक्का बसल्याचे समजते. हेल्स आणि डॅनी अनेक कार्यक्रमांना एकत्र दिसायचे. मात्र हेल्स असं काही करेल असं डॅनीच्या घरच्यांना वाटले नव्हते. मागील तीन वर्षांपासून एकमेकांबरोबर असणाऱ्या हेल्स आणि डॅनीचे नाते संपुष्टात आल्याने त्यांना धक्का बसला आहे.

सहा महिन्यापूर्वी शेवटचा सामना खेळेल्या हेल्सचा क्रिकेटमधील प्रवास अडखळत सुरु असतानाच आता या खासगी कारणामुळे तो पुन्हा चर्चेत आला आहे. डॅनी सोडून जाणे हा हेल्ससाठी मोठा धक्का असल्याचे त्याच्या जवळचे लोक सांगतात. मात्र डॅनीने घेतलेल्या या निर्णयाला हेल्सची वर्तवणुकच कारणीभूत असल्याचेही ते मान्य करतात.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Cricketer alex hales was dumped by his gorgeous girlfriend for cheating scsg
First published on: 01-11-2019 at 10:15 IST