अडथळे पार करून स्वप्ने साकार करा- डॅमॉन हिल

मुंबई मॅरेथॉनचे दुसऱ्यांदा जेतेपद पटकावण्यासाठी जॉन केलाई सज्ज
मुंबई : सर्व उपखंडात धावण्याचा अनुभव माझ्या पाठिशी आहे. त्याचबरोबर मुंबई आणि दिल्ली मॅरेथॉन शर्यतीत अनेक वेळा सहभागी झाल्यामुळे मला भारतातील वातावरणाची आणि मुंबईतील रस्त्यांची चांगलीच माहिती आहे. शर्यतीसाठी माझी तयारी चांगली झाल्यामुळे दुसऱ्यांदा मुंबई मॅरेथॉनचे जेतेपद पटकावण्यासाठी मी सज्ज आहे, असे मुंबई मॅरेथॉनचा २००७मधील गतविजेता धावपटू जॉन केलाई याने सांगितले.
‘‘या वर्षी जेतेपदासाठीची स्पर्धा तीव्र झाली आहे. नवीन धावपटूंसह धावताना चांगली कामगिरी करण्याची प्रेरणा मिळणार आहे. ग्लास्गो येथील राष्ट्रकुल स्पर्धेसाठी केनियाच्या संघात स्थान मिळवण्यासाठी मी मुंबई शर्यतीत सहभागी झालो आहे. खडतर समजली जाणारी मुंबईतील शर्यत जिंकून मी राष्ट्रकुल स्पर्धेसाठी योग्य असल्याचे केनिया सरकारला दाखवून देणार आहे,’’ असे २४ पैकी ९ मॅरेथॉन शर्यती जिंकणाऱ्या ३७ वर्षीय केलाईने सांगितले.