फ्रान्सचा स्टार खेळाडू किलियन एमबाप्पे उत्कृष्ट फॉर्ममध्ये असून प्रत्येक सामन्यात नवनवीन विक्रम करत आहे. फिफा विश्वचषक २०२२ च्या प्री-क्वार्टर फायनल सामन्यात, त्याने पोलंडविरुद्ध दोन गोल केले आणि आपल्या संघाला ३-१ ने विजय मिळवून दिला. या विजयासह फ्रेंच संघाने उपांत्यपूर्व फेरीत धडक मारली आणि एमबाप्पेने अनेक विक्रम आपल्या नावावर केले. त्याने फिफा विश्वचषकात गोल करण्यात रोनाल्डोला मागे टाकले आणि मेस्सीची बरोबरी केली. याशिवाय एमबाप्पेने पेलेचा विक्रमही मोडला. रोनाल्डोने फिफा विश्वचषक स्पर्धेत एकूण २० सामने खेळले असून त्यात आठ गोल केले आहेत. त्याचबरोबर एमबाप्पेने फिफा विश्वचषक स्पर्धेत केवळ ११ सामन्यांत नऊ गोल केले आहेत. मेस्सीने २३ सामन्यांत नऊ गोल केले आहेत. २३ वर्षीय एमबाप्पेने यापूर्वीच अनेक दिग्गजांना मागे सोडले आहे. तो या विश्वचषकात सर्वाधिक गोल करणारा खेळाडू आहे आणि त्याने पेलेचा ६० वर्ष जुना विक्रमही मोडला आहे. वयाच्या २४व्या वर्षी तो फिफामध्ये सर्वाधिक गोल करणारा खेळाडू बनला आहे. यासोबतच त्याने मॅराडोना आणि पेलेसारख्या दिग्गजांनाही मागे टाकले आहे. https://twitter.com/ESPNFC/status/1599442151804477441?s=20&t=08rBZelrH1Yhv630KzfYlA एमबाप्पेने फिफा विश्वचषकात गोल करण्यात मेस्सीची बरोबरी केली असेल, परंतु मेस्सीच्या तुलनेत हा एमबाप्पेचा दुसरा विश्वचषक आहे, जो पाचव्या विश्वचषकात खेळत आहे. आणखी वाचा - विश्लेषण: पेले… फुटबॉलमधील अद्भुत दंतकथा! एमबाप्पेशी संबंधित काही तथ्ये २०१८ मध्ये फ्रान्सला विश्वचषक जिंकून देण्यात एमबाप्पेने शेवटची मदत केली होती. दिग्गज पेलेनंतर वयाच्या १९व्या वर्षी अंतिम सामन्यात (क्रोएशियाविरुद्ध) गोल करणारा तो दुसरा सर्वात तरुण फुटबॉलपटू बनला. ब्राझीलच्या पेलेने वयाच्या १७व्या वर्षी स्वीडनविरुद्ध १९५८ च्या फायनलमध्ये गोल केला होता. गोल्डन बूटच्या शर्यतीत सहभागी असलेल्या एम्बापे याला लहानपणापासूनच शूजची प्रचंड आवड आहे. त्याने एका मुलाखतीत सांगितले होते की, लहानपणी मला नवीन बूट खेळण्यासारखे वाटायचे. आपल्या आवडीच्या बुटासाठी त्याने अनेकवेळा आईसमोर हट्ट केला. एकदा जोडीदाराने पहिल्या सत्रात ते घालण्यास मागितले, तर त्याने स्पष्टपणे नकार दिला. हेही वाचा : Pele: पेलेंना ब्राझीलबाहेर खेळण्याची परवानगी नव्हती? युरोपियन क्लबकडून का खेळू शकले नाहीत पेले? पॅरिसपासून ११ किलोमीटर अंतरावर असलेल्या बोंडी या उपनगरात त्याचा जन्म झाला. बालपणात लोक त्यांची तुलना फ्रान्सच्या थियरी हेन्रीशी करू लागले. त्याने वयाच्या १४व्या वर्षी मोनॅको क्लबसाठी खेळायला सुरुवात केली आणि वयाच्या १६व्या वर्षी सामने खेळायला सुरुवात केली. पुढील वर्षी तो क्लबसाठी सर्वात तरुण गोल करणारा खेळाडू बनला. २०१८ मध्ये, टाइम मॅगझिनने त्याला २५ सर्वात प्रभावशाली तरुणांच्या यादीत समाविष्ट केले होते.
