Flashback : जेव्हा सुशांतच्या प्रश्नांना कंटाळून धोनी म्हणाला होता, तू खूप प्रश्न विचारतोस..

यावेळी सुशांतने धोनीचे प्रत्येक बारकावे टिपण्याचा प्रयत्न केला. यावेळी तो धोनीला अनेक प्रश्न विचारुन भंडावून सोडायचा. चित्रपट प्रदर्शनादरम्यान प्रसारमाध्यमांना दिलेल्या मुलाखतीत खुद्द सुशांतने हा प्रसंग सर्वांना सांगितला होता. “सुरुवातीच्या २-३ दिवसांमध्ये मी त्याला प्रश्न विचारले तेव्हा त्याने मला उत्तरं दिली. यानंतर मी सतत एकच प्रश्न विचारायला लागल्यामुळे धोनी वैतागला होता, मी पहिल्यांदा त्याला चिडताना पाहिलं. शेवटी धोनी मला म्हणाला, तू खूप प्रश्न विचारतोस…मी नंतर येतो.” नीरज पांडे दिग्दर्शीत एमएस धोनी- द अनटोल्ड स्टोरी या चित्रपटात धोनीच्या लहानपणापासून ते भारतीय संघात स्थान मिळवण्यासाठी धोनीने केला संघर्ष, त्याची लव्ह लाइफ या सर्व गोष्टी दाखवण्यात आल्या होत्या.

सुशांतच्या आत्महत्येचे नेमके कारण अद्याप समजू शकलेलं नाही. नैराश्यामुळे त्याने हे पाऊल उचललं असावं असा अंदाज मुंबई पोलिसांनी व्यक्त केला आहे. पंतप्रधान नरेंद्र मोदींपासून ते क्रीडा आणि अभिनय क्षेत्रातील सर्व मान्यवर व्यक्तींनी सुशांतच्या निधनावर शोक व्यक्त केला आहे.