मुंबईत होणाऱ्या महिला विश्वचषक क्रिकेट स्पध्रेतील पाकिस्तानी संघाच्या सहभागामुळे तणाव निर्माण होऊ शकतो. या पाश्र्वभूमीवर या सामन्यांचे यजमानपद अहमदाबादला देण्याचे भारतीय क्रिकेट नियामक मंडळाच्या (बीसीसीआय) विचाराधीन होते. परंतु गुजरात क्रिकेट असोसिएशनने (जीसीए) या सामन्यांच्या यजमानपदास नकार दिला आहे.
पाकिस्तानी संघाच्या सहभागामुळे मुंबईत होणाऱ्या महिला विश्वचषक क्रिकेट स्पध्रेबाबत मुंबई क्रिकेट असोसिएशनने बीसीसीआयला सावध केले आहे. त्यानंतर बीसीसीआयने याबाबतचा अंतिम निर्णय आयसीसी घेईल, असे स्पष्ट केले होते.
‘‘आयसीसी महिला विश्वचषक क्रिकेट स्पध्रेतील पाकिस्तानचे सामने अहमदाबादला आयोजित करण्यासंदर्भात बीसीसीआयने आम्हाला विचारणा केली होती. परंतु भारत-पाकिस्तान सीमेवरील तणावग्रस्त परिस्थितीच्या पाश्र्वभूमीवर आम्ही या सामन्यांच्या यजमानपदास नकार कळविला आहे,’’ असे गुजरात क्रिकेट असोसिएशनचे सचिव राजेश पटेल यांनी सांगितले.