भारतीय संघाचा यष्टीरक्षक वृद्धीमान साहाने पुण्यातील गहुंजे मैदानावरील दुसऱ्या कसोटी सामन्यात चमकदार कामगिरी केली आहे. कर्णधार विराट कोहलीने दक्षिण आफ्रिकेला फॉलोऑन देण्याचा निर्णय घेतला. यानंतरही आफ्रिकेचे फलंदाज दुसऱ्या डावात अडखळताना दिसले. चौथ्या दिवशी सलामीवीर एडन मार्क्रमला इशांत शर्माने पायचीत करत माघारी धाडलं.

या बातमीसह सर्व प्रीमियम कंटेंट वाचण्यासाठी साइन-इन करा
ई-मेल द्या, नी साइन-अप करा
Already have a account? Sign in

यानंतर उमेश यादवच्या गोलंदाजीवर यष्टीरक्षक वृद्धीमान साहाने डी-ब्रूनचा यष्टींमागे सुरेख झेल टिपला. हा झेल घेतल्यानंतर मैदानात उपस्थित भारतीय खेळाडूंनी आनंदाने जल्लोष केला.

सोशल मीडियावरही क्रिकेटच्या चाहत्यांनी साहाच्या या कामगिरीचं कौतुक केलं आहे.

क्रिकेटमध्ये Catches win matches अशी म्हण आहे. डी-ब्रूनचा झेल घेतल्यानंतर साहाने आफ्रिकन कर्णधार फाफ डु-प्लेसिसलाही अशाच पद्धतीने सुरेख झेल घेत माघारी धाडलं. दुसऱ्या कसोटीत विजय मिळवल्यानंतर भारत मालिकेत २-० अशी विजयी आघाडी घेईल, ज्यामुळे आयसीसीच्या कसोटी क्रमवारीत भारताचं अव्वल स्थान कायम राहणार आहे.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Ind vs sa 2nd test wridhiman saha takes excellent catch behind stumps watch video psd
First published on: 13-10-2019 at 12:47 IST