India vs England ODI Updates, 14 July 2022 : भारत आणि इंग्लंड दरम्यान तीन एकदिवसीय सामन्यांची मालिका खेळवली जात आहे. या मालिकेतील दुसरा सामना आज (१४ जुलै) लंडनमधील ऐतिहासिक लॉर्ड्स क्रिकेट स्टेडियमवरती झाला. हा सामना इंग्लंडने १०० धावांनी जिंकला असून मालिकेत १-१ अशी बरोबरी साधली आहे. इंग्लंडच्या एकट्या रीस टॉपलीने भारताचे सहा फलंदाजांना बाद केले. त्यामुळे भारताचा सर्व संघ १४६ धावांमध्येच गुंडाळला गेला. त्यापूर्वी, भारतीय कर्णधार रोहित शर्माने नाणेफेक जिंकून प्रथम गोलंदाजी करण्याचा निर्णय घेतला होता. भारतीय गोलंदाजांनी पुन्हा शानदार कामगिरी करत इंग्लंडला २४६ धावांमध्ये गुंडाळले होते. भारताच्यावतीने युझवेंद्र चहलने सर्वाधिक चार बळी घेतले.