IND vs WI 1st ODI Updates, 22th July : भारत आणि वेस्ट इंडीज दरम्यान शक्रवारपासून (२२ जुलै) तीन एकदिवसीय सामन्यांची मालिका खेळवली जात सुरू झाली. पोर्ट ऑफ स्पेनमधील क्वीन्स पार्क ओव्हल क्रिकेट स्टेडियमवर झालेला पहिला सामना भारताने तीन धावांनी जिंकला आहे. वेस्ट इंडीजचा कर्णधार निकोलस पूरनने नाणेफेक जिंकून प्रथम गोलंदाजी करण्याचा निर्णय घेतला होता. प्रथम फलंदाजीसाठी मैदानावर आलेल्या भारतीय संघाने दमदार फलंदाजी करून वेस्ट इंडीजसमोर विजयासाठी ३०९ धावांचे लक्ष्य ठेवले होते. प्रत्युत्तरात वेस्ट इंडीजला ५० षटकांमध्ये ३०५ धावा करता आल्या.
