ipl 2021 csk loss against rr mumbai fans disappoints | IPL 2021: मुंबईला अडचणीत आणण्यासाठी चेन्नई मुद्दाम हारली का?; चाहत्यांना शंका

आयपीएल २०२१ स्पर्धेतील प्लेऑफची लढत रंगतदार वळणावर आली आहे. चेन्नई आणि दिल्ली हे दोन संघ प्लेऑफसाठी पात्र ठरले आहेत.

(IPL)

आयपीएल २०२१ स्पर्धेतील प्लेऑफची लढत रंगतदार वळणावर आली आहे. चेन्नई आणि दिल्ली हे दोन संघ प्लेऑफसाठी पात्र ठरले आहेत. तर विराट कोहलीच्या नेतृत्वाखालील बंगळुरू संघाचं प्लेऑफमधील स्थान जवळपास निश्चित झालं आहे. त्यामुळे चौथ्या संघासाठी कोलकाता, पंजाब, राजस्थान आणि मुंबईत चुरस निर्माण झाली आहे. या चार संघांचं प्लेऑफमधील स्थान जर तर वर अवलंबून आहे. त्यात राजस्थानने चेन्नईला ७ गडी आणि १५ चेंडू राखून पराभूत केल्याने मुंबईचा प्लेऑफमधील प्रवास खडतर झाला आहे.

चेन्नईच्या पराभवानंतर मुंबईकर चाहत्यांनी संताप व्यक्त केला आहे. सोशल मीडियावर चेन्नईच्या कामगिरीवर टीका केली आहे. तर काही चाहत्यांनी मुंबईला अडचणीत आणण्यासाठी जाणीवपूर्वक हारल्याची शंका व्यक्त केली आहे.

https://twitter.com/CSKian716/status/1444358672121942016

https://twitter.com/FarziCricketer/status/1444357132405510144

गुणतालिकेत १८ गुणांसह चेन्नईचा संघ अव्वल स्थानी आहे. दिल्लीचा संघ १८ गुणांसह दुसऱ्या, बंगळुरूचा संघ १४ गुणांसह तिसऱ्या, कोलकाताच्या संघ १० गुणांसह चौथ्या, पंजाबचा संघ १० गुणांसह पाचव्या, राजस्थानचा संघ १० गुणांसह सहाव्या, तर मुंबईचा संघ १० गुणांसह सातव्या स्थानावर आहे. त्याचबरोबर तळाशी असलेल्या हैदराबादचं प्लेऑफमधील आव्हान संपुष्टात आलं आहे.

First published on: 03-10-2021 at 14:57 IST

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ipl 2021 csk loss against rr mumbai fans disappoints rmt