Royal Challengers Bengaluru vs Delhi Capitals Highlights: रॉयल चॅलेंजर्स बंगळुरूने पहिल्या सात सामन्यांमध्ये केवळ एका विजयासह आयपीएल हंगामाची सुरुवात केली होती. एकेकाळी हा संघ गुणतालिकेत तळाला होता आणि स्पर्धेतून जेमतेम बाहेरच पडणार अशी चर्चा होती. पण आरसीबीने सर्वांनाच खोट पाडत प्लेऑफसाठी आपली दावेदारी ठोकली आहे. आता सलग पाच चमत्कारिक विजयांसह, आरसीबीने आपल्या पुनरागमनाचा डंका वाजवला. दिल्लीचा पराभव करत आरसीबीने प्लेऑफच्या दिशेने अजून एक पाऊल टाकले. दिल्लीविरूद्ध आरसीबीच्या विजयानंतर अनुष्का शर्माने स्टॅन्डसमधून दिलेली प्रतिक्रिया सध्या व्हायरल होत आहे. घरच्या मैदानावर, एम. चिन्नास्वामी स्टेडियमवर खेळताना, RCB ने दिल्ली कॅपिटल्सचा ४७ धावांनी पराभव केला आणि गुणतालिकेत पाचव्या स्थानावर पोहोचले आहेत . या विजयानंतर विराट कोहलीची पत्नी अनुष्का शर्माने हात जोडून विजयाचे सेलिब्रेशन केले. तिच्या या भन्नाट सेलिब्रेशनचा व्हीडिओ सध्या व्हायरल होत आहे. काही चाहते म्हणत आहेत की अनुष्काने आरसीबीच्या विजयासाठी देवाचे आभार मानले. हेही वाचा - IPL 2024: १८ धावा किंवा १८.१ षटके… आरसीबी की चेन्नई कोण गाठणार प्लेऑफ, वाचा कसं आहे समीकरण? रजत पाटीदारच्या अर्धशतकी खेळीच्या जोरावर दिल्ली कॅपिटल्सने आरसीबीविरूद्ध मोठी धावसंख्या उभारली. आरसीबीच्या विजयात ३२ चेंडूंमध्ये ५२ धावांची शानदार खेळी रजतच्या बॅटमधून पाहायला मिळालीय कर्णधार फाफ डू प्लेसिस आणि विराट कोहली लवकर बाद झाल्यानंतर, विल जॅक्सने २९ चेंडूत ४१ धावा केल्या. यासह आरसीबीने २०षटकांत ९ बाद १८७ धावा केल्या. प्रत्युत्तरात दिल्लीची आघाडीची फलंदाजी फळी कमकुवत दिसली आणि पहिल्या चार षटकांतच चार विकेट्स गमावल्या. स्टँड-इन कर्णधार अक्षर पटेलने ३९ चेंडूत ५७ धावा करून थोडा प्रतिकार केला, परंतु दुसऱ्या बाजूने पाठिंबा न मिळाल्याने दिल्लीचा संघ पाच चेंडू बाकी असताना १४१ धावांवर बाद झाला. यश दयालने कुलदीप यादवला त्रिफळाचीत करत दिल्लीवर आरसीबीला विजय मिळवून दिला. या विजयानंतर अनुष्का शर्माने आनंदाने उडी घेतली. हेही वाचा- “…तर रोहितने टी-२० वर्ल्डकप संघात पंड्याची निवड होऊच दिली नसती”, माजी खेळाडूचे मोठे वक्तव्यआता याच मैदानावर रॉयल चॅलेंजर्स बंगळुरूचा शेवटचा सामना गतविजेत्या चेन्नई सुपर किंग्जशी होणार आहे. दोन्ही संघांसाठी हा सामना प्लेऑफसाठी करो किंवा मरो असा असेल. आरसीबीने या सामन्यात चेन्नई सुपर किंग्जविरुद्धचे धावांचे आव्हान १८.१ षटकांपूर्वी पूर्ण केले तर ते प्लेऑफमध्ये पोहोचू शकतात किंवा चेन्नईवर १८ धावांनी विजय मिळवल्यास आरसीबी प्लेऑफमध्ये धडक मारू शकते.
