आयपीएल २०२४ मध्ये प्लेऑफसाठी पात्र होणारा कोलकाता नाईट रायडर्स हा पहिला संघ ठरला. विजयीरथावर स्वार असलेला केकेआरचा संघ कर्णधार श्रेयस अय्यरच्या नेतृत्त्वाखाली उत्कृष्ट कामगिरी करत आहे. इतकंच नव्हे तर केकेआरने क्वालिफायरचे तिकीटही मिळवले आहे आणि हा हंगाम संपेपर्यत कोलकाताचा संघ टॉप-२ मध्येच राहणार आहे. यंदाच्या मोसमात केकेआरचा सर्वात यशस्वी कर्णधार राहिलेला गौतम गंभीर मेंटॉरच्या रूपात पुन्हा एकदा संघामध्ये परतला. त्याच्या मार्गदर्शनाखाली संघाने आतापर्यंत जबरदस्त कामगिरी केली. गंभीर हा फार कमी वेळेस दिलखुलास हसताना आपल्याला दिसतो. गौतम गंभीर संघाच्या कामगिरीवर खूश असला तरी गंभीरला आपण फार कमी वेळेस हसताना पाहिलं आहे. यादरम्यान केकेआरच्या एका सामन्यात त्याच्या चाहतीने एक पोस्टर घेतलेला फोटो व्हायरल होत आहे, ज्याला आता गंभीरने उत्तर दिले आहे.

स्टेडियममध्ये एक चाहती गौतम गंभीरचे पोस्टर घेऊन उभी असल्याचे दिसले, ‘जोपर्यंत गंभीर हसत नाही तोपर्यंत मी माझ्या क्रशला प्रपोज करणार नाही’, असं त्या पोस्टरवर लिहिलं होतं, हे पाहून गौतम गंभीरनेही एक पोस्ट शेअर केली. त्याने त्याच्या अधिकृत इंस्टाग्रामवर एक पोस्ट शेअर केली आहे. ज्यामध्ये एका बाजूला गंभीर हसत आहे तर दुसऱ्या बाजूला पोस्टरसोबत त्या चाहतीचा फोटो आहे. गंभीरने पोस्टमध्ये लिहिले की, ‘हे बघ.’

when Tanvi Azmi married Baba Azmi
“एका महाराष्ट्रीय ब्राह्मण मुलीने मुस्लीम पुरुषाशी लग्न…”, अभिनेत्री तन्वी आझमींचं वक्तव्य; म्हणाल्या, “बंडखोरी…”
Syed Mustafa Kamal compares Karachi with india
“भारत चंद्रावर पोहोचला, कराचीमध्ये मुलं उघड्या गटारात…”, पाकिस्तानच्या खासदाराने संसदेत व्यक्त केली खंत
Shyam Rangeela narendra modi
मोदींची नक्कल करणाऱ्या श्याम रंगीलाचा वाराणसीतून उमेदवारी अर्ज फेटाळला; कारण काय?
Sharad pawar on Ajit Pawar baramati
बारामतीच्या मतदानानंतर अजित पवार प्रचाराला अनुपस्थित; शरद पवार काळजी व्यक्त करत म्हणाले, “ते…”
What Poonam Mahajan Said?
भाजपाने तिकिट कापल्यानंतर पूनम महाजन यांची पहिली प्रतिक्रिया, म्हणाल्या, “मी…”
Rohit Surya Tilak Varma Leaves as Hardik pandya Comes to bat As Per Reports
IPL 2024: हार्दिकला येताना पाहताच रोहित-सूर्या-तिलक उठून गेले? मुंबई इंडियन्स संघातील वाद पुन्हा चव्हाट्यावर
Pm Narendra modi Speech in Nashik
“मोदींनी भाषणात अल्पसंख्याकांचा मुद्दा काढताच, शेतकरी ओरडला कांद्यावर बोला..”, पुढे नेमकं काय घडलं?
Ghatkopar incident
Hording Collapse : घाटकोपर दुर्घटनेत मृतांची संख्या वाढली, महाकाय होर्डिंग उचलण्याचे काम सुरूच; VIDEO समोर!

हेही वाचा – RCB vs CSK सामन्यावर पावसाचे सावट, पावसामुळे मॅच रद्द झाल्यास कोणता संघ IPL मधून बाहेर होणार?

गौतम गंभीरची ही पोस्ट अवघ्या काही मिनिटातच सोशल मीडियावर व्हायरल झाली. गंभीरच्या प्रशिक्षणाखालील केकेआऱच्या संघाने यंदाच्या हंगामात दमदार कामगिरी केली आहे. गंभीर गेल्या २ वर्षांपासून लखनऊ सुपर जायंट्सशी जोडला होता. दोन्ही वेळा संघ प्लेऑफसाठी पात्र ठरला. आता या मोसमात गंभीर त्याच्या जुन्या संघात परतला आहे. गंभीरच्या नेतृत्वाखाली केकेआरने दोनदा आयपीएलचे विजेतेपद पटकावले. २०१४ मध्ये केकेआरने चेन्नईचा तर २०१२ मध्ये पंजाबचा पराभव करत ट्रॉफीवर आपले नाव कोरले होते. यंदाही आय़पीएलचे जेतेपद पटकावण्यासाठी केकेआरचा संघ सर्वात मोठा प्रबळ दावेदार आहे.

आतापर्यंत केकेआर संघाने १३ सामन्यांत ९ वेळा विजय मिळवला आहे तर केवळ ३ सामने गमावले आहेत. या कामगिरीमुळे केकेआर संघ प्लेऑफसाठी पात्र ठरला आहे. संघातील सर्वच खेळाडू चांगले फॉर्मात असून यंदाच्या ट्रॉफीवर केकेआर आपले नाव कोरेल अशी शक्यता आहे.