रोहित शर्माला मैदानाची मापं पाठ आहेत- सूर्यकुमार यादव - Marathi News | Rohit Sharma World Class Batsman And Knows Dimensions Of Grounds Mi Vs Kkr Ipl 2020 Uae Abu Dhabi Vjb 91

रोहितने ठोकल्या ५४ चेंडूत ८० धावा

रोहित शर्मा (सौजन्य - IPL)

Dream11 IPL 2020 UAE MI vs KKR : सलामीच्या सामन्यात पराभूत झालेल्या मुंबई इंडियन्सने आज कोलकाताविरूद्धच्या सामन्यात विजय मिळवला. २०१४मध्ये युएईत झालेल्या ५ सामन्यांत आणि यंदा चेन्नई विरूद्धच्या पहिल्या सामन्यात मुंबईला पराभव पत्करावा लागला होता पण अखेर मुंबईने युएईत विजयाचं खात उघडलं. रोहित शर्माच्या तडाखेबाज ८० धावांच्या खेळीमुळे आणि मुंबईच्या भेदक गोलंदाजीमुळे त्यांना कोलकातावर ४९ धावांनी विजय मिळवता आला. या विजयासह मुंबईचा संघ गुणतालिकेत अव्वलस्थानी पोहोचला.

सामन्यात मुंबईचा कर्णधार रोहित शर्मा याने दमदार कामगिरी केली. रोहित शर्माने IPL 2020 च्या लिलावातील सर्वात महागड्या खेळाडू पहिल्याच चेंडूवर षटकार लगावला. तसेच कुलदीप यादवला षटकार लगावत रोहित शर्माने IPLकारकिर्दीतील २०० षटकार पूर्ण केले. रोहितने ३ चौकार आणि ६ षटकारांच्या मदतीने ५४ चेंडूत ८० धावा कुटल्या. त्याचा सहकारी सूर्य़कुमार यादव याने रोहितचं तोंडभरून कौतुक केलं.

“रोहित शर्मा हा जगातील सर्वोत्तम फलंदाजांपैकी एक आहे. त्याला मैदानाची मापं पाठ आहेत. तो जेव्हा वानखेडे मैदानावर खेळायला उतरतो तेव्हा तो फलंदाजीचं दडपण घेत नाही. अबुधाबीतही त्याने तसंच केलं. अबुधाबीच्या मैदानावरील सीमारेषा थोड्या लांब आहेत पण रोहितच्या फलंदाजीला त्याचा काही फरक पडला नाही. त्याने जराही दडपण न घेता नैसर्गिक खेळ केला आणि त्याचा परिणाम सगळ्यांच्या समोर आहे”, असे सूर्यकुमार यादव म्हणाला.

First published on: 24-09-2020 at 14:17 IST

TOPICSआयपीएल २०२० (IPL 2020)IPL 2020

मराठीतील सर्व FYI बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Rohit sharma world class batsman and knows dimensions of grounds mi vs kkr ipl 2020 uae abu dhabi vjb