Wimbledon 2025 Semi Final: जगातील मानाची टेनिस स्पर्धा म्हणून ओळखली जाणारी विम्बल्डन २०२५ स्पर्धा शेवटच्या टप्प्यात पोहोचली आहे. या स्पर्धेतील उपांत्य फेरीचा सामना जेनिक सिनर आणि नोवाक जोकोविच या दोघांमध्ये पार पडला. या सामन्यात दोन्ही खेळाडूंमध्ये अटीतटीची लढत पाहायला मिळाली. शेवटी जेनिक सिनरने नोवाक जोकोविचला सरळ सेटमध्ये पराभूत करत विम्बल्डन २०२५ स्पर्धेतील अंतिम फेरीत प्रवेश केला आहे. आता पुन्हा एकदा अंतिम फेरीत कार्लोस अल्काराझ आणि जेनिक सिनर यांच्यात जेतेपदासाठी लढत रंगणार आहे.

सिनरने या सामन्यात जोकोविचला पूर्णपणे बॅकफूटवर ठेवलं. त्याने हा सामना ६–३, ६–३,६–४ ने आपल्या नावावर केला. जोकोविचकडे २५ वे ग्रँडस्लॅम जिंकण्याची संधी होती. पण सिनरमुळे त्याचं हे स्वप्नं हुकलं आहे.

हेही वाचा

या सामन्यात जोकोविचने दमदार सुरुवात केली. त्याने पहिला गेम आपल्या नावावर केला. त्यानंतर सिनरने पुनरागमन केलं. तिसऱ्या गेममध्ये सिनरने ब्रेक पॉईंट मिळवत आघाडी घेतली. सिनरने हा सेट ६–४ ने आपल्या नावावर केला. दुसरा सेट सिनरने ६–३ ने नावावर केला. सरळ दोन सेट जिंकल्यानंतर तिसऱ्या सेट ६–४ ने आपल्या नावावर करत सरळ सेटमध्ये जोकोविचचा पराभव करत अंतिम फेरीत प्रवेश केला.

हेही वाचा

अंतिम फेरीत सिनर विरुद्ध अल्काराझ लढत

विम्बल्डन २०२५ स्पर्धेतील पुरुष एकेरीतील अंतिम सामना सिनर विरुद्ध अल्काराझ यांच्यात रंगणार आहे. अल्काराझने उपांत्य फेरीच्या सामन्यात टेलर फ्रित्झचा पराभव करत अंतिम फेरीत प्रवेश केला. त्याने हा सामना ६–४, ७–५, ६–३, ७–६ ने आपल्या नावावर केला. हे दोघे या आधीही फ्रेंच ओपन २०२५ स्पर्धेतील अंतिम सामन्यात आमनेसामने आले होते. या सामन्यात सिनरला जेतेपदासाठी प्रबळ दावेदार मानलं जात होतं.

This quiz is AI-generated and for edutainment purposes only.
हेही वाचा

पण शेवटी अल्काराझने कमबॅक करत फ्रेंच ओपन २०२५ स्पर्धेच्या जेतेपदावर नाव कोरलं होतं. त्यामुळे यावेळी सिनरकडे या पराभवाचा बदला घेण्याची संधी असणार आहे.