रनआऊट झाल्यानंतर बॅट्समननं आपल्याच सहकाऱ्याच्या तोंडावर फेकली बॅट..! VIDEO पाहून तुम्हालाही येईल हसू

हा व्हिडिओ इंग्लंडचा असल्याचे म्हटले जात आहे, यात वृद्ध खेळाडू फलंदाजी करताना दिसत आहेत. व्हिडिओमध्ये, एक फलंदाज रन आउट झाल्यानंतर रागाने बॅट त्याच्या सहकारी खेळाडूच्या दिशेने फेकतो, ही बॅट थेट त्याच्या तोंडावर बसते. धावचीत होणाऱ्या फलंदाजाला त्याची चूक कळताच तो सहकारी फलंदाजाकडे धाव घेतो. सुदैवाने, बॅट लागलेल्या खेळाडूला कोणतीही दुखापत होत नाही.

स्ट्राईकवर असलेला फलंदाज धाव घेण्यासाठी नॉन स्ट्राईकवर असलेल्या फलंदाजाला कॉल देतो, पण चेंडू क्षेत्ररक्षकाच्या हातात गेल्याचे कळताच स्ट्राईकवरील फलंदाज पुन्हा पाठी जातो, यात नॉन स्ट्राईकवरील फलंदाज बाद होतो. रागाच्या भरात तो त्याची बॅट जमिनीकडे फेकतो, पण त्याचा अंदाज चुकतो आणि ती बॅट स्ट्राईकवरील फलंदाजाला लागते. आपली चूक कळताच बाद झालेला फलंदाज आपल्या सहकाऱ्याकडे धाव घेतो.

हेही वाचा – टी-२० वर्ल्डकपनंतरही टीम इंडियाचा असणार ‘पॉवरपॅक’ कार्यक्रम; ‘हे’ चार देश करणार भारत दौरा

हा व्हिडिओ खूप व्हायरल होत असून नेटकरी या व्हिडिओवर विविध प्रतिक्रिया देत आहेत.