बांगलादेशी खेळाडूंची संयमी खेळी, तिसऱ्या दिवसाअखेर धावसंख्या ३२२/६

हैदराबाद येथे सुरू असलेल्या कसोटी सामन्याचा आजचा तिसरा दिवस होता. भारताने दमदार सुरुवात करत चार खेळाडूंना पटापट तंबूत पाठपले परंतु त्यानंतर शकिब हसन, मुशफिकर रहीम आणि मेहेदी हसन मिराज यांनी अत्यंत संयमाने खेळ करत धावसंख्या वाढवली. अद्यापही बांगलादेश भारताच्या ३६५ धावांनी पाठीमागे आहे.

भारताने बांगलादेश ६८७ धावांचे आव्हान दिल्यानंतर बांगलादेश डावाला सुरुवात झाली. तिसऱ्या दिवसाच्या पहिल्या सत्राला सुरुवात झाल्यानंतर काही वेळातच बांगलादेशचा डाव घसरण्यास सुरुवात झाली. दिवसाच्या सुरुवातीलाचा ६४ धावांवर त्यांना तीन गडी गमवावे लागले. १२ धावांवर खेळत असताना मोमीनुल हकला उमेशने पायचित केले.

बांगलादेश विरुद्ध भारत कसोटी सामन्याच्या तिसऱ्या दिवसाचे पहिले सत्र उमेश यादवने गाजवले. तिसऱ्या ओव्हरमध्येच त्याने तामिम इकबालला धावबाद करुन भारतासाठी चांगली सुरुवात केली. तसेच त्याने मोमीनुल हकला पायचितही केले. त्याला रिव्हर्स स्विंगही चांगले मिळू लागले त्यामुळे कमी धावा देऊन बांगलादेशच्या खेळाडूंवर त्याने आपला वचक निर्माण केला.

दुपारच्या जेवणानंतर बांगलादेशचा डाव थोडासा सावरला. शाकिबने ७८ चेंडूमध्ये ५७ धावा केल्या. त्याला मुशफिकरची साथ मिळाली आहे. एका पाठोपाठ एक फलंदाज तंबूकडे परतत होता. त्यावेळी मुशफिकरने संयमाने खेळी केली.