Mohammed Shami: भारतीय संघासाठी बॉर्डर गावस्कर ट्रॉफीपूर्वी आनंदाची बातमी, मोहम्मद शमीच्या ‘या’ तारखेला क्रिकेटच्या मैदानावर करणार पुनरागमन

मोहम्मद शमी फिट झाल्यानंतर आता रणजी ट्रॉफीचे सामने खेळणार आहे. रणजी ट्रॉफीत जर शमी चांगली कामगिरी करू शकला तर कदाचित बॉर्डर गावस्कर ट्रॉफीच्या दुसऱ्या सामन्यासाठी त्याचा संघात समावेश केला जाऊ शकतो. भारत-ऑस्ट्रेलियातील दुसरा सामना ६ डिसेंबरला खेळवला जाणार आहे. मोहम्मद शमी रणजी सामना कधी खेळणार आहे, जाणून घेऊया.

हेही वाचा – Prithvi Shaw: पृथ्वी शॉचा वाढदिवसाच्या पार्टीत ‘तांबडी चामडी’ गाण्यावर भन्नाट डान्स, सोशल मीडियावर होतोय ट्रोल, VIDEO व्हायरल

मोहम्मद शमीचा रणजी ट्रॉफीसाठी बंगाल संघात समावेश करण्यात आला आहे. बंगालचा सामना मध्य प्रदेश विरुद्ध होणार आहे, हा सामना १३ नोव्हेंबरपासून (बुधवार) इंदूरमध्ये सुरू होत आहे. शमी बंगालच्या संघात सामील झाल्याने त्यांचे गोलंदाजी आक्रमण अधिक मजबूत होणार आहे. शमी जवळपास वर्षभराने पुन्हा एकदा स्पर्धात्मक क्रिकेटमध्ये पुनरागमन करणार आहे.

हेही वाचा – IND vs SA: “आता उभा राहून मजा बघ…”, हार्दिक पंड्याला मोठेपणा करणं पडलं भारी, अर्शदीपला बोललेल्या वाक्यानंतर होतोय ट्रोल

मोहम्मद शमी दुखापतीमुळे २०२३ च्या एकदिवसीय विश्वचषकापासून मैदानाबाहेर आहे. २०२३ मध्ये त्याने ऑस्ट्रेलियाविरुद्ध टीम इंडियासाठी शेवटचा आंतरराष्ट्रीय सामना खेळला होता. शमीने २०२३ च्या एकदिवसीय विश्वचषक स्पर्धेत भारतासाठी अविश्वसनीय कामगिरी केली होती. शमीने उपांत्य फेरीच्या सामन्यात ७ विकेट्स घेत उत्कृष्ट कामगिरी केली होती. या वनडे वर्ल्डकपमध्ये शमीने २४ विकेट्स मिळवले होते.

मोहम्मद शमीची गणना भारताच्या सर्वोत्तम गोलंदाजांमध्ये केली जाते. त्याने टीम इंडियासाठी अनेक सामने स्वबळावर जिंकले आहेत. २०२१ मध्ये पर्थमध्ये झालेल्या बॉर्डर गावस्कर सामन्यात शमीने सर्वाधिक ६ विकेट्स घेतले होते. त्यामुळे यंदाच्या पर्थमध्ये होणाऱ्या भारत ऑस्ट्रेलियामधील पहिल्याच सामन्यात त्याची उणीव भासणार आहे.

हेही वाचा – IND vs SA: भारत-दक्षिण आफ्रिका तिसरा टी-२० सामना दुसऱ्या सामन्यापेक्षा उशिराने सुरू होणार, जाणून घ्या काय आहे नेमकी वेळ?

आतापर्यंत, टीम इंडियासाठी, मोहम्मद शमीने ६४ कसोटी सामन्यात २२९ विकेट्स, १०१ कसोटी सामन्यात १९५ विकेट्स आणि २३ टी-२० आंतरराष्ट्रीय सामन्यात २४ विकेट्स घेतले आहेत.