शाह आलम (मलेशिया) : भारताची दोन वेळची ऑलिम्पिक पदकविजेती बॅडमिंटनपटू पी. व्ही. सिंधूने दुखापतीमुळे घ्याव्या लागलेल्या प्रदीर्घ विश्रांतीनंतर विजयी पुनरागमन केले. सिंधूच्या कामगिरीमुळे भारतीय महिला संघाने बुधवारी आशियाई सांघिक बॅडमिंटन स्पर्धेच्या पहिल्याच लढतीत बलाढ्य चीनचे आव्हान ३-२ असे परतवून लावले.

भारतीय महिला संघाचा समावेश असलेल्या ‘डब्लू’ गटात केवळ दोनच संघ आहेत. त्यामुळे पहिली लढत खेळण्यापूर्वीच भारतीय संघाने बाद फेरीत प्रवेश मिळवला होता. मात्र, साखळीतील एकमेव लढत खेळताना भारतीय संघाने चीनचे अवघड आव्हान परतवून लागले.

India Satviksairaj Rankireddy and Chirag Shetty defeat China Chen Bo Yang and Liu Yi to win Thailand Open Badminton Championship sport news
थायलंड खुली बॅडमिंटन स्पर्धा : सात्त्विक-चिरागला विजेतेपद
rohit needs rest due to exhaustion from playing cricket continuously opinion of michael clarke
रोहितला विश्रांतीची गरज! सातत्याने क्रिकेट खेळून दमल्याने फलंदाजीवर परिणाम; मायकल क्लार्कचे मत
All India Matches in Lahore for ICC Champions Trophy 2025
Champions Trophy 2025 : पाकिस्तानने जाहीर केले ठिकाण, भारतीय संघाचे सगळे सामने ‘या’ शहरात होणार
Thomas Cup Badminton Tournament Indian men team in quarterfinals
थॉमस चषक बॅडमिंटन स्पर्धा: भारतीय पुरुष संघ उपांत्यपूर्व फेरीत
Uber Cup Badminton Tournament Indian women team in quarterfinals sport news
उबर चषक बॅडमिंटन स्पर्धा: भारतीय महिला संघ उपांत्यपूर्व फेरीत
the indian archer
विश्वचषक तिरंदाजी स्पर्धा: ऐतिहासिक सुवर्णयश; ऑलिम्पिक विजेत्या कोरियाला नमवत भारतीय पुरुष संघाची जेतेपदावर मोहोर
Indian Women Badminton Team gets off to a winning start sport news
भारतीय महिला बॅडमिंटन संघाची विजयी सुरुवात
D gukesh
‘टोरंटोत भारतीय भूकंप’; कँडिडेट्स’ विजेत्या गुकेशचे कास्पारोवकडून कौतुक; विजयाचे श्रेय आनंदलाही

हेही वाचा >>> “मी म्हटलं, प्लीज पैसे घे, पण धोनीने नकार दिला”, BAS च्या मालकांनी सांगितला माहीचा मनं जिंकणारा किस्सा

गेल्या वर्षी ऑक्टोबरपासून सिंधू बॅडमिंटन कोर्टपासून दूर होती. दरम्यानच्या काळात आवश्यक तेवढाच सराव करून सिंधूने पुनरागमनासाठी आशियाई स्पर्धेची निवड केली. या स्पर्धेसाठीच्या भारतीय महिला संघात सिंधू ही सर्वांत अनुभवी खेळाडू आहे. सिंधूने या जबाबदारीचे भान ठेवत पहिल्या लढतीत तुल्यबळ प्रतिस्पर्धी हॅन युएचे आव्हान २१-१७, २१-१५ असे ४० मिनिटांत परतवून लावले. त्यानंतर तनिशा क्रॅस्ट्रो आणि अश्विनी पोनप्पा जोडीला दुहेरीत पराभवाचा सामना करावा लागला. त्यांना चीनच्या तियू शेंग शू आणि तान निंग जोडीने १९-२१, १६-२१ असे पराभूत केले. पाठोपाठ एकेरीच्या दुसऱ्या लढतीत अश्मिता चलिहालाही पराभव पत्करावा लागला. अश्मिता वँग झी यी हिचाविरुद्ध १३-२१, १५-२१ अशी पराभूत झाली.

दुहेरीच्या दुसऱ्या लढतीत ट्रिसा जॉली आणि गायत्री गोपीचंद जोडीने विजय मिळवत भारताला एकूण लढतीत बरोबरी साधून दिली. त्यांनी चीनच्या ली यी आणि लुओ शू मिन जोडीला १०-२१, २१-१८, २१-१७ असे नमवले. त्यानंतर आंतरराष्ट्रीय पदार्पण करणाऱ्या अनमोल खरबने चीनच्या दुसऱ्या फळीतील वु लु यू हिचा २२-२०, १४-२१, २१-१८ असा पराभव करत भारताला विजय मिळवून दिला. भारतीय पुरुष संघानेही आपल्या मोहिमेची यशस्वी सुरुवात करताना हाँगकाँगवर ४-१ असा सहज विजय मिळवला. प्रमुख खेळाडू एच. एस. प्रणॉयला पराभवाचा सामना करावा लागला. मात्र, त्यानंतरच्या सर्व लढती भारताने जिंकल्या.