Australian Open : नदालची सेमीफायनलमध्ये धडक; इतिहास रचण्यापासून ‘राफा’ दोन पावलं दूर!

शापोवालोव्हने नदालला ५ सेट आणि ४ तास झुंजवले. नदालने शापोवालोव्हला ६-३, ६-४, ४-६, ३-६, ६-३ असे हरवले आणि सातव्यांदा या स्पर्धेची सेमीफायनल गाठली. पहिल्या दोन सेटमध्ये वर्चस्व गाजवल्यानंतर पोटदुखीमुळे तिसऱ्या आणि चौथ्या सेटमध्ये नदालची लय तुटली, मात्र निर्णायक सेट जिंकून त्याने शेवटच्या-4मध्ये धडक मारली.

हेही वाचा – भारताचा ‘गोल्डन बॉय’ नीरज चोप्राला मिळणार अजून एक पदक; प्रजासत्ताक दिनी होणार सन्मान!

राफेल नदालने २००९ मध्ये फक्त एकदाच या स्पर्धेचे विजेतेपद पटकावले आहे आणि गेल्या १३ पैकी ७ उपांत्यपूर्व फेरीत नदालला पराभव पत्करावा लागला आहे. आता शुक्रवारी सेमीफायनलचा सामना रंगणार आहे. सातव्या मानांकित मॅटिओ बेरेटिनी किंवा १७व्या मानांकित गेल मॉन्फिल्सशी यांच्याशी नदाल झुंजणार आहे.