राजस्थानचा १९ वर्षांखालील खेळाडू आदित्य गरवालने विक्रमी १८ षटकार आणि २२ चौकारांसह १५१ चेंडूंत नाबाद २६३ धावांची खेळी साकारली. विनू मंकड करंडक एकदिवसीय क्रिकेट स्पध्रेतील मध्य विभागाच्या सामन्यात रेल्वेविरुद्ध त्याने ही खेळी साकारली.विद्यापीठ क्रीडांगणावरील या सामन्यात राजस्थानने ५० षटकांत ३ बाद ४१३ धावा केल्या. एन. एन. सिंगने ९४ धावा केल्या. सिंग आणि गरवाल यांनी तिसऱ्या विकेटसाठी विक्रमी २६१ धावांची भागीदारी रचली. प्रत्युत्तरादाखल रेल्वेचा संघ ४२.२ षटकांत १४७ धावांत गडगडला. यात मोहित पालच्या सर्वाधिक ४२ धावांचा समावेश आहे. शुभम शर्माने ४२ धावांत पाच बळी घेतले.