08 August 2020

News Flash

रिलेत भारतीय पुरुष संघ बाद

महिलांना पात्रता फेरीत सातवे स्थान

| August 21, 2016 12:44 am

महिलांना पात्रता फेरीत सातवे स्थान

भारतीय धावपटूंना ऑलिम्पिकमधील मैदानी स्पर्धेत पुन्हा अपयशाला सामोरे जावे लागले. पुरुषांच्या चार बाय ४०० मीटर रिले प्रकारात भारतीय संघ बाद करण्यात आला, तर महिलांना त्याच प्रकारात पात्रता फेरीत सातव्या क्रमांकावर समाधान मानावे लागले.

बॅटन चुकीच्या पद्धतीने दिले गेले, या कारणास्तव महम्मद पुथानपुराक्कल, महम्मद अनास, अय्यास्वामी धारुन, राजीव आरोकिया यांचा समावेश असलेल्या भारतीय संघाला बाद करण्यात आले.

निर्मला शेरॉन, टिंटू लुका, एम.आर.पूवम्मा व अनिल्डा थॉमस यांचा समावेश असलेल्या भारतीय महिला संघाला पात्रता फेरीतील आठ संघांमध्ये सातवे स्थान मिळाले. त्यांनी हे अंतर ३ मिनिटे २९.३३ सेकंदांत पार केले. एकुणात त्यांना १६ संघांमध्ये १३वे स्थान मिळाले.

महिलांच्या २० किलोमीटर चालण्याच्या शर्यतीत सपना पुनियाने वेळेच्या मर्यादेत अंतिम रेषा पार न केल्यामुळे ‘शर्यत पूर्ण न करणारी खेळाडू’ असाच शेरा तिच्या नावापुढे नोंदवण्यात आला.

भारताच्या आशियाई रौप्यपदक विजेत्या खुशबीर कौरने ही शर्यत एक तास ४० मिनिटे ३३ सेकंदांत पूर्ण केली आणि ६४ खेळाडूंमध्ये ५४वे स्थान घेतले. तिला एक तास ३३ मिनिटे ७ सेकंद या स्वत:च्या वैयक्तिक वेळेपेक्षा जास्त वेळ लागला.

भारताचे नित्येंद्रसिंग रावत, खेताराम व गोपी थोनाक्ला हे तीन खेळाडू मॅरेथॉन शर्यतीत भाग घेत आहेत. ही शर्यत रविवारी होणार आहे.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 21, 2016 12:44 am

Web Title: 400 meter relay indian women 7 rank in olympic games rio 2016
Next Stories
1 Rio 2016: गोल्फच्या अंतिम फेरीत अदिती अशोकची निराशजनक कामगिरी
2 VIDEO: सुवर्णपदक जिंकल्यानंतर आनंदाच्या भरात तिने प्रशिक्षकालाच उचलून आपटले!
3 Rio 2016: पी.व्ही.सिंधूने गेल्या तीन महिन्यांत मोबाईल वापरला नव्हता- पुलेला गोपीचंद
Just Now!
X