IND vs SA : ऋषभ पंतचं शतक अन् रोहितचं कोड्यात टाकणार ट्वीट; बघा तुम्हाला मिळतंय का याचं उत्तर!

पंतने शतक ठोकताच रोहितने इमोजी असलेले ट्वीट पोस्ट केले. या ट्विटवरून पंतने टीकाकारांची तोंडे बंद केली, असा अर्थ लावला जात आहे. आफ्रिका दौऱ्यावर ऋषभ पंत अपयशी ठरत होता. पहिल्या दोन कसोटीत त्याच्या बॅटमधून जास्त धावा निघाल्या नाहीत. कसोटीमधील त्याच्या फलंदाजीच्या तंत्राबद्दलही शंका उपस्थित करण्यात येत होत्या.

आता त्याने झुंजार आणि आपला नैसर्गिक खेळ दाखवत सर्वांना चोख प्रत्युत्तर दिले आहे. याच अनुषंगाने रोहितने त्याचे कौतुक करत ट्वीट केले. पंतने ६ चौकार आणि ४ षटकारांसह नाबाद १०० धावांची खेळी केली. मधल्या फळीत त्याने विराटसोबत ९२ धावांची मौल्यवान भागीदारी रचली.

हेही वाचा – IPL 2022 : इंग्लंडचा जो रूट लीगमध्ये खेळणार? मेगा ऑक्शनमध्ये उतरणार असल्याचे दिले संकेत!

रोहित शर्मा दुखापतीमुळे दक्षिण आफ्रिकेविरुद्धच्या कसोटी आणि वनडे मालिकेतून (IND vs SA) बाहेर पडला आहे. तो आणि अष्टपैलू क्रिकेटपटू रवींद्र जडेजा यांनी दुखापतीतून सावरण्यासाठी एनसीएसमध्ये तयारी सुरू केली. दक्षिण आफ्रिका दौऱ्यासाठी संघाची घोषणा करताना रोहित शर्माला भारतीय कसोटी संघाचा उपकर्णधार आणि एकदिवसीय आणि टी-२० संघाचा कर्णधार बनवण्यात आले. मात्र, सराव करताना रोहितला दुखापत झाली आणि कसोटी मालिकेतून तो बाहेर पडला.