रॉबिन गुरुंग आणि कुनझँग भूतिया या सिक्कीमच्या दोन फुटबॉलपटूंचा इंडियन सुपर लीगमधील बॉलीवूड अभिनेता जॉन अब्राहम आणि शिलाँग लजाँग फुटबॉल क्लबच्या मालकीच्या नॉर्थईस्ट युनायटेड फुटबॉल क्लबमध्ये समावेश करण्यात आला आहे. २२ वर्षीय रॉबिन हा उत्तम तंत्रशुद्ध बचावपटू असून यापूर्वी तो ओएनजीसी आणि लजाँग क्लबकडून खेळला होता. कुनझँगने २००६मध्ये १६ वर्षांखालील गटात सिक्कीमचे प्रतिनिधित्व केले होते. तसेच २००७ मध्ये तो भारतीय क्रीडा प्राधिकरणशी करारबद्ध झाला होता. २० वर्षीय गोलरक्षक असलेल्या कुनझँगने संतोष करंडकात सिक्कीमतर्फे खेळला होता.