Thailand Open Badminton : दुसऱ्याच फेरीत सायना नेहवाल पराभूत

बिगर मानांकित जपानी खेळाडूचा सायनाला धक्का

दुखापतीमुळे गेले काही महिने मैदानाबाहेर असलेल्या सायना नेहवालला, आपल्या पहिल्याच स्पर्धेत पराभवाचा सामना करावा लागला आहे. थायलंड ओपन स्पर्धेच्या दुसऱ्याच फेरीत सायनाला आपला गाशा गुंडाळावा लागला. जपानची बिगर मानांकीत खेळाडू सायका ताकाहाशीने सायनावर मात केली.

सातव्या मानांकीत सायना नेहवालने पहिला सेट २१-१६ च्या फरकाने जिंकत चांगली सुरुवात केली होती. मात्र त्यानंतरच्या सेटमध्ये ताकाहाशीने दमदार पुनरागमन करत ११-२१ आणि १४-२१ अशी खेळी करत सायनाचं आव्हान मोडून काढलं. सायना नेहवालच्या या पराभवामुळे या स्पर्धेतलं भारतीय महिलांचं आव्हान संपुष्टात आलं आहे. सिंधूने या स्पर्धेतून ऐनवेळी माघार घेतली होती.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Saina nehwal crashes out in second round of thailand open psd

Next Story
रसिका , सारा , सुधांशु, आदित्य यांची विजयी सलामी
ताज्या बातम्या