जागतिक सुपरसीरिज बॅडमिंटन स्पर्धा
भारताची ऑलिम्पिकपटू सायना नेहवाल हिने जागतिक सुपरसीरिज बॅडमिंटन स्पर्धेत पहिला विजय नोंदविला. दोन पराभवानंतर तिने दक्षिण कोरियाच्या युआन जुबेई हिच्यावर २१-११, १७-२१, २१-१३ अशी मात केली.
सायना हिला या स्पर्धेतील पहिल्या लढतींमध्ये जपानच्या मिनात्सु मितानी हिच्याकडून हार पत्करावी लागली होती. पाठोपाठ जागतिक क्रमवारीतील अव्वल मानांकित खेळाडू लिउ झुईरुई हिने पराभूत केले होते. २३ वर्षीय खेळाडू सायना हिला युआनविरुद्धही विजय मिळविताना झगडावे लागले. जागतिक क्रमवारीतील सातवी मानांकित खेळाडू जुबेई हिने तिला शेवटपर्यंत झुंजविले.