साकेत मायनेनी मुख्य फेरीत

भारताच्या साकेत मायनेनीने पात्रता फेरीतील तिसऱ्या सामन्यात सर्बियाच्या पेड्जा क्रिस्टीनचा ६-३, ६-० असा ५६ मिनिटांत पराभव करून अमेरिकन खुल्या टेनिस स्पध्रेच्या मुख्य फेरीत पहिल्यांदा स्थान पटकावले. मुख्य फेरीत प्रवेश करण्यासाठी मायनेनीला तीन लढती जिंकण्याची आवश्यकता होती आणि त्याने एकही सेट न गमावता विजय मिळवला. पहिल्या दोन लढतींत मायनेनीने स्थानिक खेळाडू मिचेल क्रुगेर व फ्रान्सच्या अल्बानो ओलीव्हेट्टी यांना अनुक्रमे ७-६(६), ६-४ व ७-५, ६-३ असा पराभव केला होता.