‘वाइल्ड कार्ड’द्वारे प्रवेश मिळालेल्या सनम सिंगने दिल्ली खुल्या टेनिस स्पर्धेत अव्वल मानांकित जेम्स डकवर्थवर सनसनाटी विजय मिळवला. जागतिक क्रमवारीत ४६४व्या स्थानी असलेल्या सनमने डकवर्थवर ३-६, ७-५, ६-३ असा विजय मिळवला. युकी भांब्रीने बेलारुसच्या इगोर जेरासिमोव्हवर ६-३, ६-३ अशी मात केली. सोमदेव देववर्मनने क्रोएशियाच्या निकोला मेकटिकला ६-४, ६-२ असे नमवले. दुहेरी प्रकारात एन. श्रीराम बालाजी आणि विष्णू वर्धन जोडीने दिनो मार्कन अँटोनिओ सॅनिक जोडीचा ६-१, ६-१ असा पराभव करत उपांत्य फेरी गाठली.