सानिया, हिंगीस जोडी अंतिम फेरीत

भारताची सानिया मिर्झा आणि स्वित्र्झलडची मार्टिना हिंगीस या जोडीने मियामी खुल्या टेनिस स्पध्रेच्या अंतिम फेरीत धडक मारली. टाइमा बाबोस आणि क्रिस्टीना मॅलाडेनोविक या जोडीचा सरळ सेटमध्ये पराभव करून मिर्झा-हिंगीस जोडीने सलग दुसरे जेतेपद पटकावण्याच्या दिशेने कूच केले आहे.
 मिर्झा व हिंगीस जोडीने ६-२, ६-४ अशा फरकाने बाजी मारली. अंतिम फेरीत त्यांना एकाटेरिना माकारोवा आणि एलेना वेस्नीना या जोडीचा सामना करावा लागेल. माकारोवा व वेस्नीना यांनी अँड्रीआ हॅलावाकोवा आणि लुसी ऱ्हाडेका जोडीवर ६-४, ६-२ असा विजय मिळवला.