सात्विक साईराज रंकीरेड्डी आणि चिराग शेट्टीने आज रविवारी बॅडमिंटन आशिया चॅम्पियनशिपमध्ये सुवर्णपदक जिंकून इतिहास रचला आहे. अशी सुवर्ण कामगिरी करणारी चिराग-सात्विकची जोडी भारतातील पहिली ठरली आहे. गतवर्षीही या जोडीने राष्ट्रकुल स्पर्धेत सुवर्णपदक आणि वर्ल्ड चॅम्पियनशिपमध्ये कांस्यपदक जिंकलं होतं. दुबईत खेळवण्यात आलेल्या अंतिम सामन्यात ओंग यू सिन आणि टियो ई या मलेशियाच्या जोडीचा ६७ मिनिटांत १६-२१,२१-१७,२१-१९ ने पराभव केला. १९७१ ला दिपू घोष आणि रमन घोष यांनी या स्पर्धेत कांस्यपदक जिंकलं होतं.
