मुंबई इंडियन्सच्या ‘या’ जोडगोळीमुळे शिखा क्रिकेटकडे वळली

या ठिकाणी फुटबॉलचा खेळ लोकप्रिय असला तरी इतर खेळ देखील महत्त्वपूर्ण समजले जातात. एवढेच नाही तर खेळासाठी प्रेरणा देखील दिली जाते, असे तिने सांगितले.  क्रिकेटच्या आवडीबद्दल ती म्हणाली की, सुरुवातीपासूनच क्रिकेटचे वेड होते. इंग्लंड आणि ऑस्ट्रेलिया यांच्यात रंगणारी अॅशेस मालिका पाहण्यासाठी सकाळीच टेलिव्हिजनसमोर बसायचे. याकाळात कधी श्रीनाथच्या गोलंदाजीनं तर कधी फ्लिंटॉफच्या अष्टपैलू कामगिरीनं आनंद मिळवायचे. १९९६ मध्ये मास्टर ब्लास्टर सचिन तेंडुलकर आणि सनथ जयसूर्या यांचा शाहरजा मालिकेतील खेळ पाहिल्यानंतर क्रिकेटच्या मैदानात उतरण्याचा निश्चय केला, असे तिने सांगितले.

ज्यावेळी तिला अष्टपैलू होण्यामागील रहस्य काय? असे विचारण्यात आले. त्यावेळी तिने दक्षिण आफ्रिकेच्या शॉन पोलॅकचे नाव सांगितले. पोलॅकचा खेळ पाहूनच अष्टपैलू होण्याचे ठरवले, असे ती म्हणाली. आयसीसी विश्वचषकातील दक्षिण आफ्रिकेविरुद्धच्या सामन्यात ३ तर इंग्लंडविरुद्ध २ बळी मिळवत तिने सर्वांचे लक्ष वेधून घेतल्याचे पाहायला मिळाले होते. २०१४ मध्ये क्रिकेटच्या मैदानात उतरल्यापासून आतापर्यंत शिखा भारतीय संघात स्थान टिकवून आहे.