भारतीय खेळाडूंनी येथील हिवाळी ऑलिम्पिक स्पर्धेच्या संचलनात आंतरराष्ट्रीय ऑलिम्पिक समितीच्या ध्वजानिशी भाग घेतला. आंतरराष्ट्रीय ऑलिम्पिक समितीने (आयओसी) भारतीय ऑलिम्पिक असोसिएशनवर बंदी घातली असल्यामुळे भारताच्या राष्ट्रध्वजानिशी हे खेळाडू सहभागी होऊ शकले नाहीत. शिवा केशवन, हिमांशु ठाकूर व नदीम इक्बाल यांना आयओसीच्या ध्वजाखाली उद्घाटन समारंभातील संचलनात भाग घ्यावा लागला. हे खेळाडू वैयक्तिक प्रवेशिकेद्वारे सहभागी झाले आहेत.