scorecardresearch

Premium

World Cup 2024 : रोहित शर्माबद्दल सौरव गांगुलीचे मोठं वक्तव्य! म्हणाला, “टी-२० विश्वचषकात त्याला…”

Sourav Ganguly Statement : रोहितने सर्व फॉरमॅटमध्ये पुनरागमन केल्यानंतर भारताचे कर्णधारपद भूषवायला हवे, कारण विश्वचषक स्पर्धेत त्याने चांगली कामगिरी केली आहे, असे सौरव गांगुली एका प्रचार कार्यक्रमाच्या प्रसंगी म्हणाला.

Sourav Ganguly said that Rohit Sharma should stay as the Indian skipper until the 2014 T20 World Cup
सौरव गांगुली आणि रोहित- विराट (फोटो-संग्रहित छायाचित्र इंडियन एक्सप्रेस)

Rohit Sharma should continue as India captain until T20 World Cup 2024 : एकदिवसीय विश्वचषकात रोहित शर्माच्या कर्णधारपदाने प्रभावित झालेल्या माजी कर्णधार सौरव गांगुलीने शुक्रवारी सांगितले की, पुढील वर्षी होणाऱ्या टी-२० विश्वचषकापर्यंत तरी त्याने भारताचे कर्णधारपद कायम ठेवावे. रोहितच्या नेतृत्वाखाली भारतीय संघाने सलग दहा सामने जिंकून विश्वचषक स्पर्धेच्या अंतिम फेरीत प्रवेश केला, जिथे ऑस्ट्रेलियाने सहा विकेट्सने पराभूत केले. रोहित आणि विराट कोहली यांनी १० डिसेंबरपासून दक्षिण आफ्रिकेत होणाऱ्या मर्यादित षटकांच्या मालिकेतून विश्रांती घेतली आहे.

सौरव गांगुली काय म्हणाला?

सौरव गांगुलीने पत्रकारांना सांगितले की, दोघांनाही पुढील व्यस्त वेळापत्रकासाठी तयार राहण्यासाठी विश्रांतीची गरज आहे. रोहितने सर्व फॉरमॅटमध्ये पुनरागमन केल्यानंतर भारताचे कर्णधारपद भूषवायला हवे, कारण विश्वचषक स्पर्धेत त्याने चांगली कामगिरी केली आहे, असे तो येथे एका प्रचार कार्यक्रमाच्या प्रसंगी म्हणाला. त्याने चमकदार कामगिरी केली. तो म्हणाला, विश्वचषकात तो कसा खेळला ते तुम्ही पाहिले. तो भारतीय क्रिकेटचा अविभाज्य भाग आहे. रोहित आणि विराट २०२२ च्या टी-२० विश्वचषकापासून टी-२० क्रिकेट खेळलेले नाहीत. तेव्हापासून हार्दिक पांड्या भारताचा टी-२० कर्णधार आहे पण त्याच्या दुखापतीमुळे सूर्यकुमार यादव ऑस्ट्रेलियाविरुद्ध कर्णधार आहे.

Sourav Ganguly Reacts After Sunil Gavaskar Called Dhruv Jurel The Second Rising MS Dhoni
Sourav Ganguly : ‘माही’भाईशी जुरेलची तुलना होताच ‘दादा’ची रोखठोक प्रतिक्रिया; म्हणाला, “धोनीला धोनी बनण्यासाठी…”
team india kl rahul bcci
IND Vs ENG : केएल राहुल पाचव्या कसोटीलाही मुकणार, संघात दिग्गज खेळाडूचं पुनरागमन; अशी असेल टीम इंडिया
India vs England 4th Test Match Toss Updates in marathi
IND vs ENG 4th Test : कोण आहे आकाश दीप? ज्याने रांची कसोटीत भारतासाठी केले पदार्पण
Manoj Tiwary vs MS DHoni
“माझ्याकडे गमावण्यासाठी काही नाही, त्यामुळे मी धोनीला विचारेन…”, निवृत्तीनंतर मनोज तिवारीने व्यक्त केली खंत

सौरव गांगुलीने सांगितले कारण –

गांगुली म्हणाला, विश्वचषक हा द्विपक्षीय मालिकेपेक्षा वेगळा आहे कारण दबाव वेगळा आहे. भारताने या विश्वचषकात चमकदार कामगिरी केली आणि सहा-सात महिन्यांनंतर वेस्ट इंडिजमध्ये त्याची पुनरावृत्ती होईल. रोहित हा एक लीडर आहे आणि मला आशा आहे की तो टी-२० विश्वचषकातही कर्णधार असेल. बीसीसीआयने मुख्य प्रशिक्षक राहुल द्रविडचा कार्यकाळ किमान टी-२० विश्वचषकापर्यंत वाढवला आहे, जरी त्याचा कार्यकाळ अद्याप उघड झाला नाही.

हेही वाचा – “तुम्ही त्याला लॉलीपॉप दिला…”, युजवेंद्र चहलची टी-२० ऐवजी वनडे संघात निवड झाल्यावर माजी भारतीय खेळाडूचे वक्तव्य

सौरव गांगुली बीसीसीआयचा अध्यक्ष असताना द्रविड प्रशिक्षक झाला होता आणि गांगुलीने त्याच्या कार्यकाळात वाढ झाल्याबद्दल आनंद व्यक्त केला. तो म्हणाला, “द्रविडवर विश्वास व्यक्त केल्याने मला आश्चर्य वाटत नाही. मी मंडळाचा अध्यक्ष असताना हे पद स्वीकारण्यासाठी आम्ही त्यांचे मन वळवले होते. त्याचा कार्यकाळ वाढला याचा मला आनंद आहे. भारताने विश्वचषक जिंकला नसला तरी भारतीय संघ स्पर्धेतील सर्वोत्तम संघ होता. त्यांना सात महिन्यांनंतर दुसरा विश्वचषक खेळण्याची संधी आहे. आशा आहे की यावेळी उपविजेते नसून चॅम्पियन असतील.”

कधी ना कधी तरी नवीन प्रतिभांना संधी द्यावी लागेल –

कसोटी विशेषज्ञ अजिंक्य रहाणे आणि चेतेश्वर पुजारा यांना दक्षिण आफ्रिकेविरुद्धच्या दोन कसोटी सामन्यांसाठी संघात स्थान मिळाले नाही. यावर गांगुली म्हणाला, “कधी ना कधी तरी नवीन प्रतिभांना संधी द्यावी लागेल. भारतात इतके टॅलेंट आहे की संघाला पुढे जावे लागते. पुजारा आणि रहाणे खूप यशस्वी झाले पण खेळ नेहमीच तुमच्यासोबत नसतो. आपण कायम खेळू शकत नाही. हे प्रत्येकाच्या बाबतीत होईल. भारतीय क्रिकेटमधील योगदानाबद्दल मी त्यांचे आभार मानू इच्छितो.”

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Sourav ganguly says rohit sharma should continue as india captain until t20 world cup 2024 vbm

First published on: 01-12-2023 at 18:23 IST

संबंधित बातम्या

तुम्ही या बातम्या वाचल्या आहेत का? ×