scorecardresearch

Premium

“तुम्ही त्याला लॉलीपॉप दिला…”, युजवेंद्र चहलची टी-२० ऐवजी वनडे संघात निवड झाल्यावर माजी भारतीय खेळाडूचे वक्तव्य

IND vs SA ODI Series Updates : दक्षिण आफ्रिका दौऱ्यावर युजवेंद्र चहलला केवळ एकदिवसीय संघात स्थान मिळाले आहे. चहलला आशा होती की त्याला टी-२० फॉरमॅटमध्येही संधी मिळेल पण तसे झाले नाही, त्यामुळे तो पुन्हा एकदा चर्चेत आला आहे.

According to Harbhajan Singh BCCI gave Yuzvendra Chahal a lollipop by selecting him in the ODI squad
युजवेंद्र चहल (फोटो-बीसीसीआय एक्स)

BCCI gave Yuzvendra Chahal a lollipop by selecting him in the ODI squad instead of T20I : टीम इंडियाचा स्टार फिरकीपटू युजवेंद्र चहलने पुन्हा एकदा खेळ खेळला गेला आहे. दक्षिण आफ्रिका दौऱ्यासाठी भारताचा संघ जाहीर करण्यात आला तेव्हा चहलचे नाव त्या संघात नव्हते, ज्यात तो असणे अपेक्षित होते. वास्तविक, चहलची केवळ तीन एकदिवसीय मालिकेसाठी संघात निवड झाली आहे. चहललाही टी-२० संघात संधी मिळेल, असे मानले जात होते, परंतु तसे झाले नाही. यावर भारताचा माजी फिरकीपटू हरभजन सिंगने प्रतिक्रिया दिली आहे.

दक्षिण आफ्रिकेविरुद्धच्या वनडे मालिकेसाठी अनुभवी फिरकी गोलंदाज युजवेंद्र चहलचाही भारतीय संघात समावेश करण्यात आला आहे. मात्र, माजी फिरकीपटू हरभजन सिंग निवडकर्त्यांच्या या निर्णयावर खूश नाही. युजवेंद्र चहल हा टी-२० मधील सर्वोत्तम गोलंदाज असून त्याला त्या फॉरमॅटमध्ये संघात स्थान मिळाले नसल्याने त्याला लॉलीपॉप देण्यात आल्याचे त्याने म्हटले आहे.

Sarfaraz Khan's Cricket Journey
Sarfaraz Khan : ‘…तर रेल्वेमध्ये कपडे विकायला जाऊ शकतो’, सर्फराझच्या वडिलांना आठवला ‘तो’ भावनिक प्रसंग
Hanuma Vihari Leaving AP Cricket Association Politics Leaving Captaincy
Hanuma Vihari : खळबळजनक! भारतीय क्रिकेटपटूला नेत्याच्या मुलावर ओरडणं पडलं महागात, द्यावा लागला राजीनामा
Manoj Tiwary vs MS DHoni
“माझ्याकडे गमावण्यासाठी काही नाही, त्यामुळे मी धोनीला विचारेन…”, निवृत्तीनंतर मनोज तिवारीने व्यक्त केली खंत
loksatta analysis cricketer shreyas iyer test career in trouble
एके काळी कर्णधारपदाचा दावेदार… आता थेट संघातून बाहेर! श्रेयस अय्यरची कसोटी कारकीर्द धोक्यात आली आहे का?

युजवेंद्र चहलला अखेरची वेस्ट इंडिज दौऱ्यावर खेळण्याची संधी मिळाली होती. त्यानंतर त्याची टी-२० संघात निवड झालेली नाही. त्याच वेळी, एकदिवसीय फॉरमॅटमध्येही त्याला आशिया कप आणि विश्वचषक संघात स्थान मिळाले नव्हते. आता त्याची दक्षिण आफ्रिका दौऱ्यासाठी एकदिवसीय संघात निश्चितपणे निवड झाली आहे, पण विश्वचषकाच्या दृष्टिकोनातून एकदिवसीय सामन्यांना सध्या तितकेसे महत्त्व नाही.

हेही वाचा – IND vs SA : टीम इंडियाच्या कसोटी संघावर माजी भारतीय गोलंदाजाने उपस्थित केला प्रश्न; म्हणाला, “केएल राहुल कसोटीत…”

युजवेंद्र चहलला लॉलीपॉप दिला – हरभजन सिंग

हरभजन सिंगने त्याच्या यूट्यूब चॅनलवर शेअर केलेल्या व्हिडीओमध्ये युजवेंद्र चहलच्या निवडीवर प्रतिक्रिया दिली. तो म्हणाला, “युजवेंद्र चहलला टी-२० फॉरमॅटमध्ये संधी दिली नाही. तुम्ही त्याचा एकदिवसीय संघात समावेश केला आहे, पण टी-२० संघात त्याला स्थान दिलेले नाही. तुम्ही त्याला लॉलीपॉप दिला आहे. तुम्ही खेळाडूला तो ज्या फॉरमॅटमध्ये चांगली कामगिरी करतो, त्या फॉरमॅटमध्ये खेळवणार नाही आणि इतर फॉरमॅटमध्ये खेळवणार. हे माझ्या समजण्याच्या पलीकडे आहे.”

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: According to harbhajan singh bcci gave yuzvendra chahal a lollipop by selecting him in the odi squad instead of t20i vbm

First published on: 01-12-2023 at 16:57 IST

संबंधित बातम्या

तुम्ही या बातम्या वाचल्या आहेत का? ×