UEFA : मेस्सीचा नापोलीला दणका! बार्सिलोना उपांत्यपूर्व फेरीत

उपांत्यपूर्व फेरीत बायर्न म्युनिचशी सामना

UEFA Champions League : स्पर्धेत लियोनल मेस्सीच्या गोलच्या मदतीने बार्सिलोना क्लबने नापोलीला ३-१ने धूळ चारली. शनिवारी रात्री उशिरा झालेल्या सामन्यानंतर ४-२ अशा ‘अग्रीगेट लीड’च्या बळावर बार्सिलोनाने विजय मिळवला. या विजयानंतर बार्सिलोनाने उपांत्यपूर्व फेरीत प्रवेश केला. त्या फेरीत त्यांचा सामना बायर्न म्युनिचशी होणार आहे.

बार्सिलोना-नापोली सामन्यात सारे गोल पूर्वार्धातच झाले. १०व्या मिनिटाला बार्सिलोनाच्या क्लेमेंट लेंग्लेटने पहिला गोल केला. त्यानंतर २३व्या मिनिटाला मेस्सीने दुसरा गोल करत २-०ची आघाडी घेतली. त्यानंतर पूर्वार्धातील अतिरिक्त वेळेत पहिल्या मिनिटाला लुइस सुआरेझने बार्सिलोनाला तिसरा गोल (पेनल्टी) मिळवून दिला. तर पाचव्या मिनिटात लोरेन्झो इन्साइने गोल (पेनल्टी) करत बार्सिलोनाची आघाडी कमी करत सामना ३-१ असा झाला. पण उत्तरार्धात मात्र एकही गोल होऊ शकला नाही. त्यामुळे बार्सिलोना विजयी झाला.

दुसऱ्या सामन्यात बायर्न म्युनिचने चेल्सीला ४-१ने पराभूत करत उपांत्यपूर्व फेरीत प्रवेश केला. त्यांनी चेल्सीवर ७-१ असा अग्रीगेट लीड घेत विजय मिळवला.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Uefa champions league lionel messis goal help barcelona reach quarter final to clash with bayern munich vjb

Next Story
सचिन संपलेला नाही!
ताज्या बातम्या