या मोसमात जबरदस्त फॉर्मात असणाऱ्या लिव्हरपूलने इंग्लिश प्रीमिअर लीग स्पर्धेत मँचेस्टर सिटीविरुद्ध ३-२ असा विजय मिळवला. उर्वरित चारही लढतीत विजय मिळवल्यास लिव्हरपूलचा संघ जेतेपदावर कब्जा करू शकतो. पहिल्या सत्रात दोन गोलसह दमदार आघाडी घेणाऱ्या लिव्हरपूलला मँचेस्टर सिटीने टक्कर देत बरोबरी केली. मात्र ८७व्या मिनिटाला फिलीपे कौटिन्होने केलेल्या निर्णायक गोलच्या जोरावर लिव्हरपूलने निसटता विजय नोंदवला. या विजयासह लिव्हरपूलने गुणतालिकेत अव्वल स्थान कायम राखले.
