scorecardresearch

Premium

“विराट कोहलीला मी हटवलं नाही, एवढंच म्हणालो की..” कोहलीच्या कर्णधारपदाच्या वादावर सौरव गांगुलीने सोडलं मौन

Saurav Ganguly on Virat Kohli: त्यावेळचे बीसीसीआयचे अध्यक्ष व भारताचा माजी खेळाडू सौरव गांगुली याने कोहलीला संघाच्या कर्णधारपदावरून काढून टाकण्याबाबत आपलं मत मांडलं आहे .

Virat Kohli as Team India Captain Was Not Removed By Me Says Saurav Ganguly Revels The Chat After Years Says I Helped Rohit
बीसीसीआयचे अध्यक्ष व भारताचा माजी खेळाडू सौरव गांगुलीचं कोहलीच्या कर्णधारपदावर उत्तर (फोटो: लोकसत्ता ग्राफिक्स टीम)

Saurav Ganguly On Virat Kohli: २०२१ च्या टी२० विश्वचषकात भारताच्या अपयशी खेळीनंतर कोहलीने T20I कर्णधारपद सोडण्याचा निर्णय घेतला. पण या निर्णयावरून विराट कोहली आणि सौरव गांगुली यांच्यातील संबंध शत्रुत्वाचे असल्याच्या चर्चा रंगू लागल्या होत्या. काहीच दिवसात कोहलीने वनडे आणि कसोटी कर्णधारपदही सोडले. पण त्याला एकदिवसीय आणि कसोटी कर्णधारपद सोडायचे नसतानाही बीसीसीएआयने एकदाही कोहलीना पुनर्विचार करण्याबाबत आग्रह न केल्याने तो त्याच्या निर्णयावर अढळ राहिला अशा चर्चा सुद्धा वाऱ्याच्या वेगाने पसरू लागल्या . पण अलीकडेच एका कार्यक्रमात बोलताना त्यावेळचे बीसीसीआयचे अध्यक्ष व भारताचा माजी खेळाडू सौरव गांगुली याने कोहलीला संघाच्या कर्णधारपदावरून काढून टाकण्यामध्ये आपलं काहीच योगदान नसल्याचं म्हटलं आहे.

सौरव गांगुलीने म्हटल्याप्रमाणे, त्याने उलट कोहलीला T20I मध्ये नेतृत्व करणे सुरू ठेवण्याची विनंती केली होती, कारण निवडकर्त्यांना असे वाटत होते की जर व्हाईट-बॉल क्रिकेटच्या संघामध्ये दोन भिन्न कर्णधार असतील तर नेतृत्व करणे कठीण होऊ शकते.

Sourav Ganguly Reacts After Sunil Gavaskar Called Dhruv Jurel The Second Rising MS Dhoni
Sourav Ganguly : ‘माही’भाईशी जुरेलची तुलना होताच ‘दादा’ची रोखठोक प्रतिक्रिया; म्हणाला, “धोनीला धोनी बनण्यासाठी…”
Hanuma Vihari Leaving AP Cricket Association Politics Leaving Captaincy
Hanuma Vihari : खळबळजनक! भारतीय क्रिकेटपटूला नेत्याच्या मुलावर ओरडणं पडलं महागात, द्यावा लागला राजीनामा
Sarfaraz Khan's fans angry with Virender Sehwag's pos
IND vs ENG : जुरेलच्या शानदार खेळीनंतर वीरेंद्र सेहवागने मीडियाकडे ‘ही’ मागणी केल्याने सर्फराझचे चाहते संतापले
Donald Trump ordered to pay more
डोनाल्ड ट्रम्प यांना धक्का, भरावा लागणार ३५५ दशलक्ष डॉलरचा दंड, नेमकं कारण काय?

दादागिरी अनलिमिटेड सीझन 10 या रिअॅलिटी शोमध्ये गांगुली म्हणाला, “मी विराटला कर्णधारपदावरून हटवले नाही. मी हे अनेकदा सांगितले आहे. त्याला T20I चे नेतृत्व करण्यास रस नव्हता. त्यामुळे, त्याने हा निर्णय घेतल्यानंतर, मी त्याला सांगितले, जर तुला T20I चे नेतृत्व करण्याची इच्छा नसेल, तर तू संपूर्णपणे व्हाईट बॉल क्रिकेटच्या कर्णधार पदावरून पायउतार झालास तर बरे होईल. मग आपल्याकडे पांढऱ्या चेंडूचा कर्णधार आणि लाल चेंडूचा कर्णधार वेगवेगळा असेल.”

गांगुलीने असेही खुलासा केला की रोहित शर्माला तिन्ही फॉरमॅटमध्ये नेतृत्व करण्याची इच्छा नव्हती परंतु आम्ही त्याला कर्णधारपदाची जबाबदारी स्वीकारण्यासाठी तयार केलं.

हे ही वाचा<< “मी विराट कोहली नाही पण माझा..”, अश्विनचं स्पष्ट उत्तर; म्हणाला, “मी जेवणाचाही त्याग केला, पण मला हाच टॅग..”

“मी रोहित शर्माला कर्णधारपदाची जबाबदारी स्वीकारण्यासाठी थोडासा आग्रह केला कारण त्याला खेळाच्या तिन्ही फॉरमॅटमध्ये नेतृत्व करण्यात रस नव्हता. त्यामुळे कदाचित त्यात माझे थोडे योगदान असेल पण संघाचा चालक कोण आहे, यापेक्षा जास्त श्रेय हे खेळाडूंचेच आहे. जे मैदानावर चांगली कामगिरी करतात. भारतीय क्रिकेटच्या भल्यासाठी काम करण्यासाठी माझी बीसीसीआयच्या अध्यक्षपदी नियुक्ती करण्यात आली होती, त्याचा हा एक छोटासा भाग होता, असे गांगुली म्हणाला.

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Virat kohli as team india captain was not removed by me says saurav ganguly revels the chat after years says i helped rohit svs

First published on: 05-12-2023 at 19:52 IST

संबंधित बातम्या

तुम्ही या बातम्या वाचल्या आहेत का? ×