टीम इंडियाचा स्टार खेळाडू आणि मुंबई इंडियन्स संघाचा कर्णधार रोहित शर्मा आज आपला ३१ वा वाढदिवस साजरा करत आहे. रोहित जगातला असा एकमेव फलंदाज आहे, ज्याच्या नावावर एकदिवसीय क्रिकेटमध्ये तीन द्विशतकांची नोंद आहे. चेन्नई सुपरकिंग्सविरोधातील सामन्यात अर्धशतक ठोकून फॉर्ममध्ये परतण्याचे संकेत रोहितने दिले आहेत. वाढदिवसानिमित्त जगभरातून रोहित शर्मावर शुभेच्छांचा वर्षाव होत आहे. माजी क्रिकेटपटू विरेंद्र सेहवागनेही रोहितला शुभेच्छा दिल्या आहेत. टॅलेंटची टाकी नेहमी भरलेली असते.हा माझा आवडता खेळाडू आहे आणि त्याला फलंदाजी करताना नेहमीचं आवडतं. तुझी भरभराट होऊ दे आणि तुझ्यातील प्रतिभा अशीच जिवंत असूदे असं ट्विट सेहवागने केलं आहे. त्यासोबत सेहवागने मॉर्फ केलेला रोहितचा एक फोटो ट्विट केला असून यामध्ये तो एमआरएफच्या बॅटसह दिसत आहे. With @ImRo45 , talent Ki Tanki is always full. He is my favourite batsman to watch and I really love watching him bat. May you continue to prosper and shine and keep the talent alive always. #HappyBirthdayRohit pic.twitter.com/tN0FrVX0hK — Virender Sehwag (@virendersehwag) April 30, 2018