World XI संघ पाकिस्तानात दाखल, आफ्रिदीचं भारतीय खेळाडूंसाठी ट्विट

हाशिम आमला, जॉर्ज बेली, ग्रँड इलिओट, मॉर्ने मॉर्केल, थिसारा परेरा, पॉल कॉलिंगवूड, डॅरेन सॅमी यासारखे आजी-माजी खेळाडू पाकिस्तानमध्ये क्रिकेट खेळणार आहेत. दोन्ही संघाच्या सुरक्षेसाठी पाकिस्तान क्रिकेट बोर्डाने जय्यत तयारी केलेली आहे. दोन्ही संघांना पाकिस्तानच्या राष्ट्रपतींना मिळणाऱ्या दर्जाची सुरक्षाव्यवस्था मिळणार आहे. सुत्रांनी दिलेल्या माहितीनूसार तब्बल १० हजार पोलिस कर्मचारी वर्ग या मालिकेसाठी तैनात करण्यात आले आहेत.

अवश्य वाचा – एक दिवस सर्व देश पाकिस्तानचा दौरा करतील!

पाकिस्तानचा माजी खेळाडू शाहिद आफ्रिदीनेही या दौऱ्याचं स्वागत करत, आयसीसीचे आभार मानले आहेत. मात्र बीबीसी उर्दुला दिलेल्या मुलाखतीत आफ्रिदीने या संघात भारतीय खेळाडू असायला हवे होते, असं वक्तव्य केल आहे. भारतीय खेळाडूंचा समावेश केला असता, तर World XI संघ आणखी मजबूत वाटला असता. आपल्या ट्विटर अकाऊंटवरुनही आफ्रिदीने आपलं मत मांडलेलं आहे.

Really pleased that PCB- ICC have joined hands to bring cricket back home to Pak. Would ‘ve been great to see some Indian players too

— Shahid Afridi (@SAfridiOfficial) August 25, 2017

या मालिकेसाठी पाकिस्तान क्रिकेट बोर्डाने प्रयत्नांची पराकाष्टा केली होती. कोणताही गैरप्रकार टाळण्यासाठी क्रिकेट बोर्डाने सुरक्षेचा कडेकोट बंदोबस्त केला आहे. त्यामुळे ही मालिका निर्विघ्नपणे पार पाडली जाते का, याकडे सर्वांचं लक्ष असणार आहे.