झहीर खानला पुन्हा भारतीय संघासोबत मैदानात उतरण्याची इच्छा

९२ कसोटी सामने आणि दोनशे एकदिवसीय सामन्यांमध्ये झहीरने भारतीय संघाचे प्रतिनिधित्व केले आहे. त्याने कसोटीमध्ये ३११ तर एकदिवसीयमध्ये २८२ बळी मिळवले आहेत. २०११ साली धोनीच्या नेतृत्वाखाली भारताने विश्वचषकावर नाव कोरले. या विश्वचषक स्पर्धेत झहिर खान भारतीय संघाचा सदस्य राहिला आहे. दुखापतीमुळे झहीर भारतीय संघापासून बऱ्याच कालावधीपासून दूर होता. त्यानंतर त्याने आंतराष्ट्रीय क्रिकेटमधून निवृत्ती जाहीर केली. भारतीय संघाच्या गोलंदाजीची मुख्य धुरा साभाळल्यानंतर आता नव्या दमाच्या गोलंदाजांना शिकवणी देण्याची संधी भारतीय क्रिकेट मंडळ झहीरला देणार का? हे पाहणे उत्सुकतेचे ठरेल. झहीरने भारतीय संघाला अनेक सामने जिंकून दिले आहेत. त्याच्या अनुभवाचा पुरेपूर वापर करुन घेण्यासाठी प्रशिक्षकाच्या भूमिकेत तो उत्तम भूमिका पार पाडू शकतो. त्यामुळे बीसीसीआय भारतीय गोलंदाजीत धार आणण्यासाठी झहीरला निवडणे फायद्याचे ठरेल.

इंडियन प्रिमियर लिगच्या दहाव्या सिझनमध्ये झहीर खान दिल्ली डेअर डेव्हिल्सच्या नेतृत्वाची धुरा सांभाळली होती. याच दरम्यान त्याने अभिनेत्री सागरिका घाटगेसोबत साखरपुडा केला. नव्या आयुष्याची सुरुवात करण्यापूर्वी पुन्हा त्याला भारतीय संघासोबत मैदानात उतरण्याची इच्छा असल्याचे दिसते. आयुष्याची नवी इनिंग सुरु करण्यापूर्वी पुन्हा एकदा झहिरला ब्लू इंडियासोबत पाहणे त्याच्या चाहत्यासाठी आनंदाची गोष्ट असेल.