आरोग्यदायी आहार : डॉ. सारिका सातव साहित्य ब्रोकोली- १ वाटी (चिरून) हळद, मीठ, जिरे, मोहरी, तेल (फोडणीपुरते) मोड आलेली कडधान्ये- मूग, मटकी, वाटाणा चिरलेली कोथिंबीर - पाव वाटी मिरची/ मसाला, लिंबू रस - अर्धा चमचा कृती चिरलेली ब्रोकोली पाण्यात मऊ होईपर्यंत उकळून घ्यावी आणि बाजूला काढून ठेवावी. त्याच पाण्यात मोड आलेली कडधान्ये मीठ टाकून शिजवून घ्यावीत. तेलात फोडणी देऊन कडधान्ये व ब्रोकोली परतून घ्यावे. कोथिंबीर टाकून सजवावे. चवीनुसार मिरची, मसाला, चाट मसाला वापरावा. शेवटी लिंबूरस टाकावा. वैशिष्टय़े : ब जीवनसत्त्व, क जीवनसत्त्व, लोह व तंतूमय पदार्थ भरपूर प्रमाणात. मधुमेह, हृदयविकार, मलावष्टंभ, स्थूलता इत्यादीमध्ये उपयुक्त. सकाळी व संध्याकाळी नाष्टय़ासाठी अत्यंत उपयुक्त.
