कटी म्हणजे कंबर. कटी चक्रासन म्हणजे कंबरेतून शरीर फिरवणे होय. या आसनामुळे कंबरेला ताण बसून ती आणखी लवचिक बनते. या आसनामुळे अपचनाची तक्रार दूर होते. कृती : * दोन्ही पायांत काही अंतर ठेवून उभे राहा. * श्वास घेत दोन्ही हात सरळ पुढे करा. तळहात एकमेकांकडे करून हात जमिनीला समांतर ठेवा. * श्वास सोडत कंबरेला पीळ देऊन हळुवार उजवीकडे वळा. उजव्या खांद्यावरून मागे पाहा. * तळहातातील अंतर एकसारखे राहू द्या. श्वास घेत आसन सोडा. * आता डाव्या बाजूला वळत आसन करा.
