News Flash

आता तुम्हीही करू शकता व्हॉट्स अॅप ग्रुप व्हिडिओ कॉल

ग्रुप व्हिडिओ कॉलिंगमध्ये फक्त चार युजर्सच एका वेळी बोलू शकणार आहेत.

ग्रुप व्हिडिओ कॉलिंगमध्ये फक्त चार युजर्सच एका वेळी बोलू शकणार आहेत.

मे महिन्यात झालेल्या फेसबुक ‘एफ८ कॉन्फरन्स’मध्ये फेसबुकनं व्हॉट्स अॅपवर लवकरच ग्रुप व्हिडिओ कॉलिंगचा पर्याय उपलब्ध होईल अशी माहिती दिली होती. आता व्हॉट्स अॅपचे ग्रुप व्हिडिओ कॉलिंग फीचर लाइव्ह झालं असूनही आता आपणही ग्रुप व्हिडिओ कॉल करू शकणार आहोत. अनेक स्मार्टफोनमध्ये व्हॉट्स अॅप अपडेट केल्यानंतर ग्रुप व्हिडिओ कॉलिंगचा पर्याय दिसू लागला आहे. व्हॉट्स अॅपनं आणलेल्या या नव्या पर्यायाचा वापर कसा करायचा हे आपण थोडक्यात जाणून घेणार आहोत.

१. व्हॉटस अॅप ग्रुप व्हिडिओ कॉलिंग हे फक्त अमुक एका व्हॉट्स अॅप ग्रुपमधल्या लोकांना जोडण्यासाठी तयार करण्यात आलं आहे असा जर तुमचा समज असेल तर तो पूर्णपणे चुकीचा आहे. कारण युजर्सचे व्हॉट्स अॅप ग्रुप आणि या फिचर्सचा काहीही संबंध नाही त्यामुळे तुम्हाला ग्रुप कॉलिंग करायचं असेल तर त्याची प्रक्रिया पूर्णपणे वेगळी असणार आहे.
२. ग्रुप व्हिडिओ कॉलिंगमध्ये फक्त चार युजर्सच एका वेळी बोलू शकणार आहेत.
३. चार जणांचा ग्रुप पूर्ण झाल्यानंतर पाचवा कॉल युजर्सना करता येणार नाही.
४. एखाद्या युजरनं फोन उचलल्यानंतरच मग पुढील युजर्सना ग्रुप व्हिडिओ कॉलमध्ये अॅड करता येणार आहे.
५. चॅट विंडोच्या उजव्या बाजूला सर्वात वर ग्रुप व्हिडिओ कॉलिंगचा पर्याय देण्यात आला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 20, 2018 5:29 pm

Web Title: all you need to know how to use whatsapp group video calling feature
Next Stories
1 जगाची थाळी : अळूच्या फतफत्याचं ग्लोबल रूपडं
2 हे आहेत ब्रेकफास्टचे उत्तम पर्याय
3 पावसाळ्यात एकदा नक्की भेट द्या, विश्रामगड उर्फ कुर्डूगडला
Just Now!
X