News Flash

Infinix ने भारतात लाँच केला स्वस्त स्मार्टफोन, किंमत 10 हजारांपेक्षाही कमी

Infinix चा लेटेस्ट 'बजेट' स्मार्टफोन भारतात लाँच...

Infinix ने भारतात आपला लेटेस्ट बजेट स्मार्टफोन Infinix Smart 4 Plus लाँच केला आहे. तब्बल 6000mAh क्षमतेची दमदार बॅटरी आणि 6.82 इंच स्क्रीन असलेला हा फोन तीन कलर्सच्या पर्यायांमध्ये लाँच करण्यात आला आहे.

स्पेसिफिकेशन्स :-
अँड्रॉइड 10 आधारित XOS 6.2 वर कार्यरत असलेल्या इन्फिनिक्सच्या नवीन फोनमध्ये 6.82 इंच एचडी+ स्क्रीन असून ऑक्टा-कोर मीडियाटेक हीलियो ए-25 प्रोसेसरचा वापर करण्यात आला आहे. रॅम 3 जीबी व इनबिल्ट स्टोरेज 32 जीबी आहे. तर, माइक्रोएसडी कार्डद्वारे स्टोरेज 256 जीबीपर्यंत वाढवता येणं शक्य आहे. हा स्मार्टफोन ड्युअल सिम कार्ड सपोर्ट करतो. फोनच्या मागील बाजूला फिंगरप्रिंट सेन्सर दिलं आहे. तर, कनेक्टिव्हिटीसाठी फोनमध्ये 3.5 एमएम ऑडिओ जॅक, 4G व्हीओएलटीई, वाय-फाय 802.11 ए/बी/जी/एन, ब्लूटूथ 4.2, जीपीएस, माइक्रो-युएसबी यांसारखे फीचर्स आहेत. याशिवाय DTS-HD सराउंड साउंड देखील आहे. तसेच फास्ट चार्जिंगच्या सपोर्टसह तब्बल 6000mAh क्षमतेची बॅटरी या फोनमध्ये आहे. फोनच्या मागे ड्युअल कॅमेरा सेटअप आहे. त्याती 13 मेगापिक्सलचा प्राइमरी कॅमेरा असून हा कॅमेरा ट्रिपल एलईडी फ्लॅश व डेप्थ सेन्सरला सपोर्ट करतो. तर, सेल्फीसाठी 8 मेगापिक्सलचा कॅमेरा देण्यात आला आहे.

किंमत आणि उपलब्धता :-
कंपनीने 7,999 रुपये इतकी या फोनची किंमत ठेवली असून 28 जुलै रोजी फ्लिपकार्टवर या फोनच्या विक्रीसाठी पहिल्या सेलचं आयोजन करण्यात आलं आहे. दुपारी 12 वाजेपासून Infinix Smart 4 Plus हा फोन फ्लॅश सेलमध्ये उपलब्ध असेल.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 21, 2020 2:19 pm

Web Title: infinix smart 4 plus with dual rear cameras and 6000mah battery launched in india get all details sas 89
Next Stories
1 ‘गेम लव्हर्स’साठी अ‍ॅमेझॉनवर खास सेल ; TV, लॅपटॉपवर आकर्षक डिस्काउंट
2 ‘शाओमी’ने लाँच केले ‘वायरलेस इअरफोन’, किंमत ₹1,000 पेक्षा कमी
3 Realme Narzo 10 खरेदी करण्याची संधी, कमी किंमतीत दमदार फीचर्स
Just Now!
X