एसयुव्हीच्या बाजारात महिंद्रा अँड महिंद्राची स्कॉर्पियो चांगलीच लोकप्रीय आहे. याच लोकप्रियतेमुळे कंपनीने स्कॉर्पियोचं नवं व्हेरिअंट Scorpio S9 आणलं आहे. 13.99 लाख रुपये(एक्स शोरुम, दिल्ली) इतकी या नव्या व्हेरिअंटची किंमत आहे. भारतातील महिंद्राच्या सर्व डिलर्सकडे नवी Scorpio S9 उपलब्ध असेल असं कंपनीकडून सांगण्यात आलंय. बाजारात आधीपासून असलेल्या स्कॉर्पियोपेक्षा यामध्ये जास्त आधुनिक फिचर्स देण्यात आले आहेत. Mahindra Scorpio S9 व्हेरिअंट S11 च्या तुलनेत 1.4 लाख रुपयांनी स्वस्त आहे. तर S7 पेक्षा जवळपास 60,000 रुपयांनी महाग आहे. नव्या Mahindra Scorpio S9 मध्ये 140 बीएचपीसह mHAWK इंजिन देण्यात आलंय. याच्या फिचर्समध्ये पूर्णतः ऑटोमॅटिक क्लायमेट कंट्रोल, 10 भाषांमध्ये जीपीएस नेव्हिगेशन, 15 सेमी टचस्क्रीन इन्फोटेनमेंट सिस्टीम आणि पॅनिक ब्रेक इंडीकेशन इत्यादींचा समावेश आहे. अन्य फिचर्स - — ड्युअल फ्रंट एअरबॅग्स — फ्रंट फॉग लँप्स — अँटी थेफ्ट वॉर्निंग — इंजिन इमोबिलायझर — स्टेटिक बेंडिंग प्रोजेक्टर हेडलँप्स, एलईडी लाइन गाइड्स — साइड टर्न इंडीकेटरसह ORVMs — स्टिअरिंगवर ऑडियो अँड क्रुज कंट्रोल्स