30 September 2020

News Flash

…तर Nissan ने बंद केली ‘ही’ SUV ? वेबसाइटवरुन हटवली गाडी

भारतीय मार्केटमधून Nissan ने 'ही' एसयूव्ही बंद केल्याची शक्यता...

एक एप्रिल 2020 पासून भारतात वाहनांच्या इंजिनसाठी ‘बीएस 6’ निकष लागू झाल्यापासून ऑटोमोबाइल कंपन्यांनी आपले अनेक मॉडेल्स बंद केले आहेत. आता Nissan कंपनीनेही भारतीय बाजारातील प्रीमियम कॉम्पॅक्ट एसयूव्ही Terrano ही गाडी आपल्या अधिकृत वेबसाइटवरुन हटवली आहे. त्यामुळे कंपनीने भारतीय मार्केटमधून ही एसयूव्ही बंद केल्याची दाट शक्यता वर्तवली जात आहे.

Terrano च्या विक्रीत झालेली घट आणि बीएस-6 इंजिनमध्ये अपडेट करण्यासाठी लागणारी मोठी गुंतवणूक यामुळे कंपनीने ही एसयूव्ही बंद केल्याचं सांगितलं जात आहे. Nissan कंपनीने ही गाडी भारतीय बाजारात सर्वप्रथम 2013 मध्ये लॉन्च केली होती. यानंतर 2017 मध्ये ही एसयूव्ही अपग्रेड करुन बाजारात पुन्हा उतरवण्यात आली. Terrano बंद केली असली तरी कंपनी लवकरच बीएस-6 इंजिनसह किक्स लॉन्च करणार आहे. यात नवीन टर्बो-पेट्रोल इंजिन मिळेल. हे किक्सच्या सेगमेंटमधील सर्वात पॉवरफुल इंजिन असू शकते. याशिवाय, कंपनी नवीन सब-कॉम्पॅक्ट एसयूव्ही लॉन्च करण्याचीही शक्यता आहे. निसान मॅग्नाइट नावाने ही कार लॉन्च केली जाईल आणि याची बेसिक किंमत 5.25 लाख रुपयांच्या जवळपास असू शकते.

Renault Duster च्या प्लॅटफॉर्मवर आधारित Terrano दोन इंजिन प्रकारांमध्ये यायची. यात 1.6-लीटर पेट्रोल आणि 1.5 लीटर डिझेल इंजिनचा समावेश होता. पेट्रोल इंजिन 103bhp ची ऊर्जा आणि 148Nm टॉर्क निर्माण करायचे. तर, डिझेल इंजिन 84bhp आणि 109bhp अशा दोन पॉवर आउटपुटमध्ये उपलब्ध होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 8, 2020 4:41 pm

Web Title: nissan terrano removed from nissan india official website sas 89
Next Stories
1 Mi 10 5G भारतात झाला लॉन्च, 5G कनेक्टिव्हिटीसह मिळेल तब्बल 108 मेगापिक्सलचा कॅमेरा
2 ‘या’ भारतीय App ची धमाल, काही दिवसांमध्येच कोट्यवधी लोकांनी केलं डाउनलोड
3 ‘त्या’ जाहिरातीमध्ये अणुबॉम्ब! ‘शाओमी’ने मागितली माफी
Just Now!
X