News Flash

सर्वात स्वस्त Poco स्मार्टफोन आता ‘ओपन सेल’मध्ये करा खरेदी, पाच कॅमेऱ्यांच्या फोनची किंमत…

होल-पंच डिस्प्ले आणि क्वॉड रिअर कॅमेरा सेटअपसोबत 5,000 mAh ची दमदार बॅटरी

Poco M2 Pro हा जुलै महिन्याच्या सुरूवातीला लाँच झालेला ‘पोको’चा लेटेस्ट स्मार्टफोन आतापर्यंत केवळ फ्लॅश-सेलमध्ये खरेदी करता येत होता. पण फ्लॅश-सेलमध्ये काही मिनिटांमध्येच हा फोन ‘आउट ऑफ स्टॉक’ होत होता. त्यामुळे अनेकांना Poco M2 Pro खरेदी करता येत नव्हता. पण, आता हा फोन कंपनीने ओपन सेलमध्ये उपलब्ध केला असून ग्राहक ई-कॉमर्स कंपनी फ्लिपकार्टच्या वेबसाइटवरुन Poco M2 Pro खरेदी करु शकतात. पोको एम2 प्रो, हा भारतात Poco ब्रँडअंतर्गत तिसरा फोन असून आधीच्या दोन स्मार्टफोनच्या तुलनेत हा स्वस्त आहे. त्यामुळेच हा आतापर्यंतचा सर्वात स्वस्त पोको स्मार्टफोन ठरतो. नवीन Poco स्मार्टफोनमध्ये होल-पंच डिस्प्ले आणि क्वॉड रिअर कॅमेरा सेटअप आहे. एकूण पाच कॅमेरे असलेल्या या स्मार्टफोनमध्ये प्रो कलर मोड, प्रो व्हिडिओ मोड आणि RAW मोड यांसारखे अनेक कॅमेरा मोड आधीपासून देण्यात आले आहेत.

Poco M2 Pro फीचर्स :-
मार्केटमध्ये Poco M2 Pro हा फोन तीन व्हेरिअंटमध्ये लाँच करण्यात आला आहे. ड्युअल सिम सपोर्ट असलेला Poco M2 Pro अँड्रॉइड 10 वर आधारित MIUI 11 for Poco वर कार्यरत आहे. यामध्ये कॉर्निंग गोरिल्ला ग्लास 5 प्रोटेक्शनसह 6.67 इंचाचा फुल-एचडी+ (1,080×2,400 पिक्सल) डिस्प्ले आहे. यात ऑक्टा-कोर क्वॉलकॉम स्नॅपड्रॅगन 720जी प्रोसेसरचा वापर करण्यात आला असून 6 जीबीपर्यंत LPDDR4X RAM आहे. पोको एम2 प्रोमध्ये चार रिअर कॅमेऱ्यांचा सेटअप आहे. यातील प्राइमरी कॅमेरा 48 मेगापिक्सलचा आहे. तर, 8 मेगापिक्सलचा अल्ट्रा वाइड-अँगल लेंन्स, 5 मेगापिक्सलचा मॅक्रो शूटर आणि 2 मेगापिक्सलचा डेप्थ सेन्सर आहे. याशिवाय सेल्फीसाठी फोनमध्ये नाइट मोड सपोर्ट असलेला 16 मेगापिक्सल कॅमेरा आहे. 128 जीबी मेमरी असून माइक्रोएसडी कार्डद्वारे स्टोरेज 512 जीबीपर्यंत वाढवता येणं शक्य आहे. कनेक्टिव्हिटीसाठी या फोनमध्ये 4जी व्हीओएलटीई, वाय-फाय 802.11एसी, ब्लूटूथ 5.0, जीपीएस/ ए-जीपीएस, यूएसबी टाइप-सी आणि 3.5 एमएम हेडफोन जॅक आहे. फास्ट चार्जिंगचा सपोर्ट असलेली 5,000 एमएएच क्षमतेची दमदार बॅटरी असलेल्या या फोनच्या मागील बाजूला फिंगरप्रिंट सेन्सरही आहे.

Poco M2 Pro किंमत :-
पोको एम2 प्रोच्या 4 जीबी रॅम आणि 64 जीबी स्टोरेज व्हेरिअंटची किंमत 13,999 रुपये आहे. तर, 6 जीबी रॅम आणि 64 जीबी स्टोरेज व्हेरिअंटची किंमत 14,999 रुपये आहे. या स्मार्टफोनमधील सर्वात पॉवरफुल व्हेरिअंट म्हणजे 6 जीबी रॅम आणि 128 जीबी स्टोरेज मॉडेलची किंमत 16,999 रुपये आहे. आउट ऑफ द ब्लू, ग्रीन अँड ग्रीनर आणि ट्रू शेड्स ऑफ ब्लॅक अशा तीन कलरमध्ये खरेदी करता येईल.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 2, 2020 2:56 pm

Web Title: poco m2 pro now available in open sale on flipkart check price specifications sas 89
Next Stories
1 5000mAh बॅटरीचा ‘स्वस्त’ Redmi 9A झाला लाँच, किंमत 6,799 रुपये
2 ‘मन की बात’मध्ये मोदींनी उल्लेख केलेल्या भारतीय Apps ची चलती; प्ले स्टोअरवर Top 10 मध्ये दाखल
3 Samsung ने लाँच केला नवीन फोल्डेबल स्मार्टफोन, ‘गॅलेक्सी फोल्ड सीरिज’मध्ये आला तिसरा स्मार्टफोन
Just Now!
X