सॅमसंगने आणला नवीन फोल्डेबल फोन Galaxy Z Fold 2, जाणून घ्या फीचर्स

Samsung Galaxy Z Fold2, full-size and unwatermarked pic.twitter.com/XGvE0kMugx
— Evan Blass (@evleaks) August 4, 2020

Galaxy Z Fold 2 स्मार्टफोनमध्ये दोन डिस्प्ले असतील. फोन फोल्ड झाल्यानंतर 6.2 इंचाची एक्स्टर्नल फुल साइज स्क्रीन मिळेल. तर, अनफोल्ड असताना फोनचा मुख्य डिस्प्ले 7.6 इंचाचा असेल. उत्तम इमेज क्वालिटीसाठी यावेळी कंपनीने अल्ट्रा-थिन ग्लासचा वापर केला आहे. फोनचा फ्रंट फेसिंग कॅमेरा आणि इंटर्नल कॅमेरा पंच-होल डिझाइनमध्ये दिला आहे. 5जी कनेक्टिव्हिटीच्या सपोर्टसह हा फोन mystick black आणि mystic bronze अशा दोन कलरच्या पर्यायांमध्ये येईल. फोनच्या मागील बाजूला ट्रिपल रिअर कॅमेरा (12MP + 12MP + 12MP) सेटअप मिळेल. तर, फोनच्या बाहेर आणि आत 10-10 मेगापिक्सलचे फ्रंट कॅमेरे आहेत. या फोनमध्ये 4,500mAh क्षमतेची बॅटरीसोबतच लेटेस्ट क्वॉलकॉम स्नॅपड्रॅगन 865 Plus प्रोसेसर मिळेल.

Galaxy Z Fold 2 हा फोन म्हणजे गेल्या वर्षी लाँच झालेल्या Galaxy Z Flip ची पुढील आवृत्ती आहे. फोनमध्ये नवीन कॅमेरा सिस्टिम, मोठा एक्स्टर्नल डिस्प्ले व त्यामध्ये पंचहोल कॅमेरा आहे. कंपनीने या फोनच्या फीचर्सबाबत माहिती दिलेली नाही. पण एक सप्टेंबरपासून या फोनसाठी प्री-ऑर्डर्स सुरू होणार आहेत. त्याचवेळी फोनच्या किंमतीचा आणि स्पेसिफिकेशन्सचा खुलासा केला जाणार आहे.