TVS Scooty ला भारतीय बाजारात लाँच होऊन 25 वर्ष पूर्ण झालेत. यानिमित्ताने कंपनीने ही लोकप्रिय स्कूटर दोन नव्या रंगांमध्ये लाँच केली आहे. यामध्ये कोरल मॅट आणि अॅक्वा मॅट या रंगांचा समावेश आहे. नव्या रंगाशिवाय मॅट आवृत्ती स्कूटीमध्ये 3डी एम्ब्लेम, वेगळे ग्राफिक्स आणि टेक्स्चर्ड सीट आहे. दोन नव्या रंगांमध्ये लाँच झाल्याने या लोकप्रिय स्कूटरसाठी आता विविध नऊ रंगांचे पर्याय उपलब्ध झाले आहेत. यात दोन नव्या रंगांव्यतिरिक्त रेड, ग्लिटरी गोल्ड, नीरो ब्राउन, फ्रॉस्टेड ब्लॅक, नीरो ब्ल्यू, पर्पल आणि प्रिंसेस पिंक या रंगांचा समावेश आहे. आणखी वाचा : सणासुदीनिमित्त TVS च्या स्टार सिटी प्लसचं “स्पेशल एडिशन” टीव्हीएसने मॅट आवृत्तीच्या स्कूटीमध्ये मॅकेनिकली काहीही बदल केलेला नाही. यामध्ये 87.8cc, सिंगल-सिलिंडर, एअर-कूल्ड इंजिन आहे. हे इंजिन 4.9hp ची ऊर्जा आणि 5.8 Nm टॉर्क निर्माण करतं. 'स्कूटी पेप प्लस'मध्ये USB पोर्ट, साइड-स्टँड अलार्म आणि ग्लव्ह बॉक्स यांसारखे फीचर्स आहेत. किंमत - मॅट आवृत्तीच्या TVS Scooty Pep Plus ची किंमत 44 हजार 764 रुपये आहे. ही किंमत कंपनीच्या Babelicious मालिकेतील स्कूटर इतकी आणि स्टँडर्ड कलर मॉडेलपेक्षा पंधराशे रुपयांनी अधिक आहे.
